کراچی پورٹ ٹرسٹ (کے پی ٹی) نے اپنی 138 سالہ تاریخ میں کارگو ہینڈلنگ کا نیا ریکارڈ قائم کرتے ہوئے ملکی بحری تجارت میں ایک اہم سنگِ میل عبور کر لیا۔
وفاقی وزیر برائے بحری امور جنید انوار چوہدری نے کے پی ٹی کی اس تاریخی کامیابی پر مبارکباد دیتے ہوئے کہا کہ ادارے نے 5 کروڑ 46 لاکھ 85 ہزار ٹن کارگو ہینڈلنگ کا سابقہ ریکارڈ عبور کر لیا ہے، جو پاکستان کے بحری شعبے کی مسلسل ترقی اور بہتر انتظامی صلاحیتوں کا واضح ثبوت ہے۔
انہوں نے کہا کہ حکومت پاکستان کو خطے کا ایک مضبوط بحری اور تجارتی مرکز بنانے کے لیے جامع اصلاحات پر عمل پیرا ہے۔
Daily Vessel Movement Report – Karachi Port Trust | 27 June 2026
Karachi Port Trust maintained seamless port operations over the last 24 hours, handling 113,346 metric tonnes of total cargo. #port-handling #VesselTraffic #portperformance #seaport #KPT #shippingworldwide pic.twitter.com/k15foplqQu
— Karachi Port Trust Official (@official_kpt) June 27, 2026
‘۔۔۔بندرگاہوں کی جدید خطوط پر ترقی، توسیع، سرمایہ کاری کے فروغ، لاجسٹکس کے نظام کی بہتری اور بندرگاہی انفراسٹرکچر کو مزید مؤثر بنانے کے لیے اقدامات تیز کر دیے گئے ہیں۔’
جنید انوار چوہدری نے کہا کہ کراچی پورٹ ٹرسٹ کے چیئرمین، افسران اور ملازمین کی محنت، پیشہ ورانہ صلاحیت اور ٹیم ورک اس تاریخی کامیابی کے بنیادی عوامل ہیں، جن کی کاوشیں قابلِ تحسین ہیں۔
اس موقع پر چیئرمین کے پی ٹی ایڈمرل شاہد احمد نے کہا کہ کراچی پورٹ کی استعداد، آپریشنل کارکردگی اور انتظامی صلاحیت میں نمایاں بہتری آئی ہے، جس کے مثبت نتائج سامنے آ رہے ہیں۔
انہوں نے اس عزم کا اظہار کیا کہ کراچی پورٹ کی مسابقتی صلاحیت کو مزید بڑھانے اور اسے عالمی معیار کی بندرگاہ بنانے کے لیے اصلاحاتی اقدامات کا سلسلہ جاری رکھا جائے گا۔
