فیصل آباد کے علاقے ڈی ٹائپ کالونی میں ایک مدرسے سے لاپتا ہونے والے 14 سالہ طالبعلم کی لاش گندے نالے سے برآمد کرلی گئی، جبکہ پولیس نے قتل میں ملوث 2 کمسن طلبا کو گرفتار کرلیا ہے۔
مزید پڑھیں:محبت، بلیک میلنگ اور قتل، خوفناک واردات کی تفصیل سامنے آگئی
پولیس کے مطابق طالبعلم 28 جون کو مدرسے سے لاپتا ہوا تھا، جس کے بعد تھانہ بٹالہ کالونی میں نامعلوم افراد کے خلاف اغوا کا مقدمہ درج کیا گیا تھا۔
تحقیقات کے دوران انکشاف ہوا کہ مدرسے کے ہی 2 طالب علموں، عرفان اور ریحان، نے مبینہ طور پر کمرے میں گلا دبا کر اسے قتل کیا۔
فیصل اباد۔مولوی نے دو طلبا کے ساتھ مل کر 15 سالہ طالب علم کو قتل کردیا ــ بوری بند لاش لے جانے کی سی سی ٹی وی فوٹیج۔@KismatZimri @Imran_Nawaz_ @CMComplaintCell pic.twitter.com/aGRCoqdDte
— Jan Sher (@realsher07) June 30, 2026
پولیس کا کہنا ہے کہ ملزمان نے لاش کو بوری میں بند کرکے سائیکل پر گندے نالے تک پہنچائی اور وہاں پھینک دی۔ اس واقعے کی سی سی ٹی وی فوٹیج بھی سامنے آئی ہے۔
مزید پڑھیں:اسلام آباد سے اغوا کیے گئے نوجوان کے مبینہ قاتلوں تک پولیس کیسے پہنچی؟
پولیس نے دونوں ملزمان کو گرفتار کرکے مزید تفتیش شروع کر دی ہے، جبکہ قتل کے محرکات جاننے کے لیے تحقیقات جاری ہیں۔
