فیفا ورلڈ کپ کے ناک آؤٹ مرحلے میں مصر نے تاریخ رقم کرتے ہوئے آسٹریلیا کو پینالٹی شوٹ آؤٹ میں 2-4 سے شکست دے کر پہلی بار ورلڈ کپ کے ناک آؤٹ مرحلے میں کامیابی حاصل کرلی، جبکہ دفاعی چیمپئن ارجنٹینا نے سخت مزاحمت کرنے والے کیپ ورڈی کو اضافی وقت میں 2-3 سے شکست دے کر پری کوارٹر فائنل میں جگہ بنا لی۔
ڈیلس میں کھیلے گئے میچ میں مصر نے 13ویں منٹ میں امام عاشور کے گول کی بدولت برتری حاصل کی، تاہم دوسرے ہاف میں محمد ہانی کے بدقسمت خود گول کے باعث آسٹریلیا نے مقابلہ برابر کردیا۔
😱 This Mo Salah penalty has been voted the BEST in the World Cup 🔥
Egypt knockout Australia 🚀 pic.twitter.com/X9ikHOjFUs https://t.co/b4mCnOwOxa
— Wins (@WinsLFC) July 3, 2026
مقررہ اور اضافی وقت میں مقابلہ 1-1 سے برابر رہنے کے بعد فیصلہ پینالٹی شوٹ آؤٹ پر ہوا، جب مصر نے شاندار کھیل پیش کرتے ہوئے 2-4 سے کامیابی حاصل کی۔
محمد صلاح نے اعتماد کے ساتھ پینینکا انداز میں پینالٹی اسکور کی، جبکہ حسام عبدالمجید نے فیصلہ کن پینالٹی پر گول کرکے اپنی ٹیم کو تاریخی فتح دلائی۔
یہ مصر کی ورلڈ کپ کی تاریخ میں ناک آؤٹ مرحلے کی پہلی کامیابی ہے، جبکہ وہ آخری 16 مرحلے میں اب ارجنٹینا کا سامنا کرے گا۔
The Egyptian team. ❤️☝️🇪🇬 pic.twitter.com/72WkScYUpK
— JM News Network (@JMNewsNetwork_) July 4, 2026
مصر کی کامیابی صرف ایک ناک آؤٹ میچ جیتنے تک محدود نہیں بلکہ یہ افریقی فٹبال کے لیے بھی ایک تاریخی لمحہ ہے۔ محمد صلاح نے اگرچہ پورے میچ میں روایتی جارحانہ کھیل پیش نہیں کیا، تاہم فیصلہ کن لمحات میں اپنی قیادت اور تجربے کا بھرپور مظاہرہ کیا۔
دوسری جانب میامی میں کھیلے گئے مقابلے میں عالمی نمبر 2 اور دفاعی چیمپئن ارجنٹینا کو عالمی درجہ بندی میں 64ویں نمبر پر موجود کیپ ورڈی کے خلاف غیرمتوقع سخت مقابلے کا سامنا کرنا پڑا۔
لیونل میسی نے 29ویں منٹ میں خوبصورت گول کرکے ارجنٹینا کو برتری دلائی، لیکن ڈیرائے ڈوارٹے نے دوسرے ہاف میں گول کرکے مقابلہ برابر کردیا۔
What remarkable play by Cape Verde aginast the world champions, and this goal by Cabral, wow! Then runs into crowd to hug his loved ones 🙂 pic.twitter.com/06f1hnHait
— Rohit Lamba (@rohlamba) July 4, 2026
اضافی وقت کے آغاز میں لیساندرو مارٹینیز نے ارجنٹینا کو دوبارہ برتری دلائی، مگر سڈنی لوپس کابرال نے شاندار کَرلنگ شاٹ کے ذریعے ایک بار پھر مقابلہ 2-2 سے برابر کردیا۔
بالآخر 111ویں منٹ میں کرسٹیان رومیرو کے ہیڈر پر ڈائنی بورجز کے بدقسمت خود گول نے ارجنٹینا کو 2-3 کی فتح دلا دی۔
ارجنٹینا نے اگرچہ اگلے مرحلے میں جگہ بنا لی، لیکن کیپ ورڈی کے خلاف اس کی کارکردگی کئی سوالات چھوڑ گئی۔ عالمی چیمپئن ٹیم کو نسبتاً کمزور حریف کے خلاف اضافی وقت تک جدوجہد کرنا پڑی۔
Messi just recreated this goal vs Cape Verde at 39 😭 pic.twitter.com/vsAAm8bGMT
— AM☬ (@AbsoluteMxssi) July 3, 2026
دوسری جانب ورلڈ کپ میں پہلی بار ناک آؤٹ مرحلہ کھیلنے والی کیپ ورڈی نے بے خوف اور جارحانہ فٹبال کھیل کر دنیا بھر کے شائقین کی توجہ حاصل کی۔
اب مصر اور ارجنٹینا کے درمیان ہونے والا پری کوارٹر فائنل صرف محمد صلاح اور لیونل میسی کی انفرادی صلاحیتوں ہی نہیں بلکہ دونوں ٹیموں کے اعصاب، حکمت عملی اور دفاعی مضبوطی کا بھی سخت امتحان ہوگا۔
