اسلام آباد کے آر ایل اسپتال میں ایک لیبارٹری ٹیکنیشن نے مبینہ طور پر اسپتال کی تیسری منزل سے چھلانگ لگا کر اپنی جان لے لی۔
پولیس کے مطابق 48 سالہ عمر مختار معمول کے مطابق صبح ڈیوٹی پر آئے، تاہم کچھ دیر بعد وہ اسپتال کی تیسری منزل پر گئے اور وہاں سے چھلانگ لگا دی۔
یہ بھی پڑھیں: وحدت کالونی سانحہ: سرکاری افسران کے خلاف قتل اور خودکشی پر اکسانے کا مقدمہ درج
اسلام آباد کے تھانہ کراچی کمپنی کی حدود میں واقع اسپتال می رونما اس واقعے میں عمر مختار موقع پر ہی جاں بحق ہوگئے۔
پولیس کا کہنا ہے کہ جاں بحق عمر مختار 5 بچوں کے والد تھے۔
ابتدائی طور پر خودکشی کی وجوہات معلوم نہیں ہو سکیں، جبکہ واقعے کی مختلف پہلوؤں سے تحقیقات جاری ہیں۔
