افغانستان کے نیشنل ریزسٹنس فرنٹ (این آر ایف) نے طالبان کے خلاف کیے گئے حملوں کی ویڈیو جاری کردی ہے۔
تنظیم کا دعویٰ ہے کہ حالیہ مہینوں میں طالبان حکومت کے خلاف مزاحمتی کارروائیوں میں نمایاں اضافہ ہوا ہے۔
افغانستان میں طالبان مخالف مزاحمت ایک بار پھر شدت اختیار کرتی دکھائی دے رہی ہے۔ نیشنل ریزسٹنس فرنٹ (NRF) نے طالبان کے خلاف اپنی کارروائیوں کی ویڈیوز جاری کی ہیں، جبکہ مختلف رپورٹس کے مطابق حالیہ مہینوں میں مزاحمتی حملوں میں اضافہ دیکھنے میں آیا ہے۔
دوسری جانب طالبان حکومت ملک میں… pic.twitter.com/hbske1Hv4y— Prof Sher Muhammad Chauhan (@Sher_Chauhann) July 8, 2026
نیشنل ریزسٹنس فرنٹ کے مطابق طالبان مخالف مزاحمتی سرگرمیاں مختلف علاقوں تک پھیل رہی ہیں، جبکہ تنظیم نے الزام عائد کیا ہے کہ طالبان حکومت اپنے خلاف بڑھتی ہوئی شورش اور حملوں سے متعلق اطلاعات کو دبانے کی کوشش کررہی ہے۔
دوسری جانب طالبان حکام کی جانب سے ان دعوؤں پر فوری طور پر کوئی باضابطہ ردعمل سامنے نہیں آیا۔
واضح رہے کہ افغان طالبان اپنی سرزمین پاکستان میں دہشتگردی کے لیے استعمال کرنے کی کھلے عام اجازت دے رہے ہیں، اور اب خود انہیں ملک کے اندر سے مزاحمت کا سامنا کرنا پڑرہا ہے۔
پاکستان بار ہا افغانستان پر واضح کر چکا ہے کہ دہشتگرد گروہوں کے خلاف بلا تفریق کارروائیاں کی جائیں، لیکن کابل دہشتگردوں کو بھرپور سپورٹ کررہا ہے۔
