وفاقی حکومت نے انفارمیشن گروپ کے گریڈ 20 کے 3 سینیئر افسران کے تقرر و تبادلوں کے احکامات جاری کر دیے ہیں۔
یہ بھی پڑھیں: مس انفارمیشن موجودہ دور کا سب سے بڑا چیلنج، حکومت اکیلے نہیں نمٹ سکتی، وزیر اطلاعات عطااللہ تارڑ
وزارت اطلاعات و نشریات کی جانب سے اس حوالے سے الگ الگ نوٹیفیکیشنز بھی جاری کر دیے گئے ہیں۔
جاری کردہ نوٹیفیکیشنز کے مطابق رئیسہ عادل کو ایگزیکٹو ڈائریکٹر جنرل پریس انفارمیشن ڈیپارٹمنٹ (پی آئی ڈی) اور پرنسپل انفارمیشن آفیسر تعینات کر دیا گیا ہے جبکہ مبشر حسن کو ڈائریکٹر جنرل ڈیجیٹل کمیونیکیشن ڈیپارٹمنٹ مقرر کیا گیا ہے۔ اسی طرح محمد شہزاد کو ڈائریکٹر جنرل پریس انفارمیشن ڈیپارٹمنٹ تعینات کیا گیا ہے۔
نوٹیفیکیشنز کے مطابق رئیسہ عادل اس سے قبل ایگزیکٹو ڈائریکٹر جنرل ایکسٹرنل پبلسٹی ونگ کے فرائض انجام دے رہی تھیں جبکہ مبشر حسن ایگزیکٹو ڈائریکٹر جنرل پریس انفارمیشن ڈیپارٹمنٹ اور پرنسپل انفارمیشن آفیسر کی حیثیت سے خدمات سرانجام دے رہے تھے۔
اسی طرح محمد شہزاد اس سے قبل ڈیجیٹل کمیونیکیشن ڈیپارٹمنٹ میں بطور ڈائریکٹر جنرل اپنی ذمہ داریاں ادا کر رہے تھے تاہم نئے احکامات کے تحت انہیں پریس انفارمیشن ڈیپارٹمنٹ کا ڈائریکٹر جنرل مقرر کر دیا گیا ہے۔
مزید پڑھیے: فشریز ڈیپارٹمنٹ کی پہلی خاتون چیئرپرسن فاطمہ مجید
وزارت اطلاعات و نشریات کی جانب سے جاری نوٹیفیکیشنز میں کہا گیا ہے کہ تینوں افسران کی نئی تقرریاں فوری طور پر نافذ العمل ہوں گی اور یہ احکامات تاحکم ثانی برقرار رہیں گے۔
