پاکستان کرکٹ ٹیم 2 ٹیسٹ میچز کی سیریز کھیلنے کے لیے ویسٹ انڈیز پہنچ گئی ہے۔
یہ بھی پڑھیں: پاکستان ٹیسٹ ٹیم ویسٹ انڈیز کے لیے روانہ، ورلڈ ٹیسٹ چیمپئن شپ کے اہم معرکے 25 جولائی سے شروع ہوں گے
قومی ٹیسٹ اسکواڈ ٹرینیڈاڈ اینڈ ٹوباگو پہنچنے کے بعد آج آرام کرے گا، جبکہ ٹیم کل سے باقاعدہ پریکٹس سیشن کا آغاز کرے گی۔
🚨 The Pakistan Test team has just landed in the West Indies. https://t.co/scIsR42w1e pic.twitter.com/oJEv1YfLJe
— Mian Ahmad (@aHmADmIaN150) July 14, 2026
دورے کے دوران پاکستان اور ویسٹ انڈیز کے درمیان 2 ٹیسٹ میچوں کی سیریز کھیلی جائے گی۔
سیریز کی تیاری کے سلسلے میں قومی ٹیم 18 سے 21 جولائی تک 4 روزہ پریکٹس میچ بھی کھیلے گی، جس کے ذریعے کھلاڑی مقامی کنڈیشنز سے ہم آہنگ ہونے اور ٹیم کمبی نیشن کو حتمی شکل دینے کی کوشش کریں گے۔
پاکستان اور ویسٹ انڈیز کے درمیان 2 ٹیسٹ میچز کی سیریز کا پہلا میچ 25 جولائی سے شروع ہوگا، جبکہ قومی ٹیم کی نظریں عمدہ کارکردگی کے ذریعے سیریز کا فاتحانہ آغاز کرنے پر مرکوز ہیں۔
