پاکستان اور قطر نے داخلی سلامتی کے شعبے میں باہمی تعاون اور شراکت داری کو مزید مضبوط بنانے پر اتفاق کیا ہے۔
یہ اتفاق وفاقی وزیرِ داخلہ محسن نقوی اور ان کے قطری ہم منصب شیخ خلیفہ بن حمد بن خلیفہ آل ثانی کے درمیان دوحہ میں ہونے والی ملاقات کے دوران طے پایا۔
ملاقات میں دونوں رہنماؤں نے سیکیورٹی کے شعبے میں دوطرفہ تعاون کے فروغ پر تفصیلی تبادلۂ خیال کیا اور پاکستان و قطر کے درمیان سیکیورٹی شراکت داری کو مزید مؤثر اور مضبوط بنانے کے مختلف پہلوؤں کا جائزہ لیا۔
یہ بھی پڑھیے پاکستان قطر کے ساتھ اپنے برادرانہ تعلقات کو بہت اہمیت دیتا ہے، وزیر اعظم
اس موقع پر دونوں وزرائے داخلہ نے خطے کی موجودہ صورتِ حال، علاقائی امن اور استحکام سے متعلق امور پر بھی خیالات کا تبادلہ کیا۔
H.E. Sheikh Khalifa bin Hamad bin Khalifa Al Thani, Minister of Interior and Commander of the Internal Security Force (Lekhwiya), received H.E. Mohsin Raza Naqvi, Minister of Interior and Narcotics Control of the Islamic Republic of Pakistan.
During the meeting, they reviewed… pic.twitter.com/JkplNPYUs2
— Ministry of Interior – Qatar (@MOI_QatarEn) July 27, 2026
وفاقی وزیرِ داخلہ محسن نقوی نے کہا کہ پاکستان، قطر کے ساتھ داخلی سلامتی سمیت باہمی دلچسپی کے دیگر شعبوں میں تعاون کو مزید فروغ دینے کے لیے پُرعزم ہے۔
اس موقع پر قطری وزیرِ داخلہ شیخ خلیفہ بن حمد بن خلیفہ آل ثانی نے کہا کہ ان کا ملک پاکستان کے ساتھ اپنے تعلقات کو بے حد اہمیت دیتا ہے اور دوطرفہ تعاون کو مزید مستحکم بنانے کے لیے پاکستان کے ساتھ قریبی روابط برقرار رکھے گا۔
