خستہ حال پل ٹوٹنے سے بھاری ٹرک ندی میں جا گرا، خیبر پختونخوا سے ہولناک حادثے کی ویڈیو وائرل

خیبرپختونخوا کے ایک پہاڑی علاقے میں عارضی اور خستہ حال پل سے گزرتے ہوئے ایک بھاری ٹرک پل سمیت نیچے جا گرا جس کی ویڈیو سوشل میڈیا پر تیزی سے وائرل ہو رہی ہے۔

وائرل ویڈیو میں دیکھا جا سکتا ہے کہ ایک بھاری ٹرک ندی پر قائم لکڑی اور پتھروں سے بنے تنگ پل سے گزرنے کی کوشش کر رہا تھا۔ اسی دوران پل ٹرک کا وزن برداشت نہ کر سکا اور پانی میں جا گرا۔

چند لاکھ کرایہ کی خاطر کروڑوں کا نقصان کرتے ہیں ۔۔۔قومیں سڑکیں بنانے سے نہیں بنتی اور کس چیز سے بنتیں ہیں ۔کے پی والو اپنی تقدیر بد لو 804🐷💩 سے نکلو pic.twitter.com/yTgsYFZIvv

— naveed asim (@naveeditaly1972) July 27, 2026

اس واقعے کے بعد سوشل میڈیا پر انفراسٹرکچر کے معیار، ترقیاتی منصوبوں اور تعمیراتی نگرانی پر شدید تنقید کی جا رہی ہے۔ متعدد صارفین کا کہنا ہے کہ چند لاکھ کی بچت یا کرپشن کی خاطر کروڑوں کا نقصان کر دیا جاتا ہے۔

کئی صارفین نے پی ٹی آئی پر طنز کرتے ہوئے کہا کہ قومیں صرف سڑکیں اور پل بنانے سے نہیں بنتیں تو کس چیز سے بنتی ہیں؟جبکہ دیگر نے حکام سے مطالبہ کیا ہے کہ متاثرہ پل کی فوری مرمت کے ساتھ علاقے میں محفوظ، مضبوط اور پائیدار پل تعمیر کیے جائیں۔