ٹرینیڈاڈ میں ویسٹ انڈیز کے ہاتھوں پہلے ٹیسٹ میں 90 رنز کی شکست کے بعد پاکستان نے ٹیسٹ کرکٹ میں ایک ناپسندیدہ ریکارڈ اپنے نام کر لیا۔ قومی ٹیم بیرونِ ملک مسلسل 8 ٹیسٹ میچ ہارنے والی اپنی تاریخ کی پہلی ٹیم بن گئی۔
یہ شکستوں کا سلسلہ دسمبر 2023 میں آسٹریلیا کے دورے سے شروع ہوا تھا، جہاں پاکستان کو 3-0 سے وائٹ واش کا سامنا کرنا پڑا۔ اس کے بعد جنوبی افریقا میں 2، بنگلہ دیش میں 2 اور اب ویسٹ انڈیز کے خلاف پہلے ٹیسٹ میں بھی قومی ٹیم ناکام رہی۔
مزید پڑھیں:پہلا ٹیسٹ: پاکستان ویسٹ انڈیز سے 90 رنز سے شکست کھا گیا، 211 کا ہدف حاصل نہ ہوسکا
برائن لارا کرکٹ اکیڈمی، ٹرینیڈاڈ میں کھیلے گئے میچ میں پاکستان 211 رنز کا ہدف حاصل نہ کر سکا اور دوسری اننگز میں 120 رنز پر ڈھیر ہوگیا۔ کپتان بابراعظم نے ناقابلِ شکست 58 رنز بنا کر مزاحمت کی، جبکہ محمد عباس 23 رنز کے ساتھ دوسرے نمایاں بلے باز رہے۔
ویسٹ انڈیز کے فاسٹ بولر جیڈن سیلز نے شاندار بولنگ کرتے ہوئے 20 رنز کے عوض 5 وکٹیں حاصل کیں، جبکہ کیمار روچ اور جسٹن گریوز نے 2، 2 اور شمر جوزف نے ایک وکٹ حاصل کی۔ میزبان ٹیم نے 2 ٹیسٹ میچوں کی سیریز میں 0-1 کی برتری حاصل کرلی۔
پاکستان کی بیرونِ ملک مسلسل 8 ٹیسٹ شکستیں:
آسٹریلیا، پرتھ (دسمبر 2023) — 360 رنز سے شکست
آسٹریلیا، میلبورن (دسمبر 2023) — 79 رنز سے شکست
آسٹریلیا، سڈنی (جنوری 2024) — 8 وکٹوں سے شکست
مزید پڑھیں:پی ایس ایل 11: بابراعظم نے ویرات کوہلی کا عالمی ریکارڈ برابر کردیا
جنوبی افریقا، سنچورین (دسمبر 2024) — 2 وکٹوں سے شکست
جنوبی افریقا، کیپ ٹاؤن (جنوری 2025) — 10 وکٹوں سے شکست
بنگلہ دیش، ڈھاکا (مئی 2026) — 104 رنز سے شکست
بنگلہ دیش، سلہٹ (مئی 2026) — 78 رنز سے شکست
ویسٹ انڈیز، ٹرینیڈاڈ (جولائی 2026) — 90 رنز سے شکست
