پاکستان کے عالمی شہرت یافتہ جیولن تھرو ایتھلیٹ ارشد ندیم نے کامن ویلتھ گیمز کے فائنل میں رسائی پر اللہ تعالیٰ کا شکر ادا کرتے ہوئے قوم سے دعاؤں کی اپیل کی ہے۔
مزید پڑھیں:کامن ویلتھ گیمز: ارشد ندیم جیولن تھرو کے فائنل میں پہنچ گئے
سماجی رابطے کی ویب سائٹ ایکس پر اپنے پیغام میں ارشد ندیم نے کہا، ’الحمدللہ! اللہ کے فضل و کرم سے میں کامن ویلتھ گیمز کے فائنل کے لیے کوالیفائی کر گیا ہوں۔ آپ سب کی محبت، حمایت اور دعاؤں کا دل سے شکر گزار ہوں۔‘
انہوں نے کہا کہ براہِ کرم کل ہونے والے فائنل کے لیے بھی اپنی دعاؤں میں یاد رکھیں۔ ان شااللہ پاکستان کے لیے اپنی بہترین کارکردگی پیش کروں گا۔
Alhamdulillah! By the grace of Allah, I’ve qualified for the Commonwealth Games final. Thank you all for your constant love, support, and prayers.
Please keep me in your duas for tomorrow’s final at 8:15 PM (UK time) / 12:15 AM (Pakistan time).
In’Sha’Allah, I’ll give my best… pic.twitter.com/RyZmnIMacx
— Arshad Nadeem (@ArshadOlympian1) July 30, 2026
واضح رہے کہ اسکاٹ لینڈ کے شہر گلاسگو میں جاری کامن ویلتھ گیمز کے جیولن تھرو کوالیفائنگ راؤنڈ میں ارشد ندیم نے 78.63 میٹر کی بہترین تھرو کے ساتھ فائنل کے لیے کوالیفائی کیا۔
مزید پڑھیں:کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم
18 ایتھلیٹس کے درمیان ہونے والے مقابلے میں وہ مجموعی طور پر 7ویں پوزیشن پر رہے۔ ان کی دوسری کوشش فاؤل قرار پائی جبکہ تیسری تھرو 75.65 میٹر رہی۔
ارشد ندیم کا فائنل مقابلہ ہفتہ کی شب پاکستانی وقت کے مطابق 12 بج کر 15 منٹ پر ہوگا۔
