لبنان کے صدر جوزف عون نے کہا ہے کہ ملک میں اسلحے پر مکمل اختیار صرف ریاست کے پاس ہونا چاہیے اور تمام ہتھیار قومی فوج کے کنٹرول میں ہونے چاہییں۔
آرمی ڈے کے موقع پر اپنے پیغام میں صدر جوزف عون نے کہا کہ فوجی طاقت اور دفاعی اختیار صرف لبنانی فوج کے پاس ہونا چاہیے، جبکہ ریاستی ڈھانچے سے باہر کسی بھی مسلح گروہ کو قانونی یا سیاسی حیثیت نہیں دی جا سکتی۔
الرئيس اللبناني جوزيف عون يؤكد بأنه لا شرعية لأي سلاح خارج سلطة الدولة مشددا على ضرورة تعزيز انتشار الجيش في المناطق الحدودية #الأخبار pic.twitter.com/z8jpwO9aVQ
— قناة الجزيرة (@AJArabic) August 1, 2026
انہوں نے زور دیا کہ ریاست کی خودمختاری، قومی سلامتی اور قانون کی بالادستی کے لیے ضروری ہے کہ تمام ہتھیار ریاستی اداروں کے کنٹرول میں ہوں اور صرف قومی فوج ہی ملک کے دفاع کی ذمہ دار ہو۔
صدر جوزف عون کا یہ بیان ایسے وقت سامنے آیا ہے جب لبنان میں غیر ریاستی مسلح گروہوں کے کردار اور ملک میں اسلحے کے اختیار سے متعلق بحث ایک بار پھر شدت اختیار کر گئی ہے۔
