برطانیہ کی خاتون باکسر ریوین چیپمین ڈنمارک میں تربیتی سیشن کے دوران اچانک گرنے کے بعد دماغ میں خون بہنے کے باعث ہنگامی سرجری کے بعد صحتیاب ہو رہی ہیں۔
32 سالہ باکسر 24 جولائی کو اسپارنگ سیشن کے دوران بے ہوش ہو کر گر پڑیں، جس کے بعد انہیں فوری طور پر اسپتال منتقل کیا گیا۔ ڈاکٹروں نے ان کے دماغ میں خون جمع ہونے (برین ہیماٹوما) اور دماغ میں سوجن (سیریبرل ایڈیما) کی تشخیص کی۔
مزید پڑھیں:یونان میں اسکاٹش خاتون کے قتل کا معمہ حل، 26 سالہ افغان باکسر ملوث، پولیس کو اہم شواہد مل گئے
ان کی انتظامی ٹیم ووٹ باکسنگ کے مطابق ہنگامی سرجری کے ذریعے خون بہنا روک دیا گیا اور دماغ کی سوجن کو قابو میں لایا گیا، جس کے بعد انہیں مصنوعی غنودگی (میڈیکلی انڈیوسڈ کوما) میں رکھا گیا۔
The respect between Skye Nicolson & Raven Chapman after they made history in Riyadh 🙌#GiveToGain | #IWD2026 pic.twitter.com/v6sQPlb88P
— DAZN Boxing (@DAZNBoxing) March 8, 2026
بیان کے مطابق اب ریوین چیپمین کو بے ہوشی کی ادویات سے نکال لیا گیا ہے اور ان کی حالت بہتر ہو رہی ہے۔ انہیں مزید علاج اور بحالی کے لیے طبی نگرانی میں برطانیہ منتقل کیا جائے گا۔
مزید پڑھیں:’محبت اور مہمان نوازی کبھی نہیں بھولوں گا‘،باکسر عامر خان کا پاکستان کے نام محبت بھرا پیغام
ریوین چیپمین 2024 میں سعودی عرب میں ہونے والے پہلے ویمنز ورلڈ ٹائٹل مقابلے میں آسٹریلیا کی اسکائی نکلسن کے خلاف ڈبلیو بی سی فیدر ویٹ ٹائٹل کے لیے مقابلہ کرچکی ہیں۔ ان کے پیشہ ورانہ کیریئر میں 10 فتوحات اور 2 شکستیں شامل ہیں۔
