پاکستان کی معروف اداکارہ ماہرہ خان اور اداکار فہد مصطفیٰ کو رواں سال بھی قومی اعزازات کی فہرست میں شامل نہ کیے جانے کے معاملے پر سندھ کے وزیرِ ثقافت نے اہم انکشاف کردیا۔
سندھ کے وزیرِ ثقافت نے میڈیا سے گفتگو کے دوران بتایا کہ صوبائی حکومت کی جانب سے ماہرہ خان اور فہد مصطفیٰ کے نام قومی سطح کے اعزازات کے لیے تجویز کیے گئے تھے تاہم وفاقی حکومت نے دونوں فنکاروں کے ناموں کو منظور نہیں کیا۔
View this post on Instagram
ماہرہ خان اور فہد مصطفیٰ کا شمار پاکستان کی صفِ اول کی شوبز شخصیات میں ہوتا ہے۔ دونوں اداکار فلموں اور ڈراموں میں اپنی اداکاری کے باعث ملک بھر میں مقبول ہیں اور متعدد ملکی و بین الاقوامی ایوارڈز بھی اپنے نام کرچکے ہیں۔
رپورٹ کے مطابق رواں سال بھی دونوں فنکار قومی اعزازات حاصل کرنے والوں کی فہرست میں شامل نہیں تھے جبکہ ان کے ہم عصر اور نسبتاً کم عمر فنکاروں، جن میں مہوش حیات اور سجل علی بھی شامل ہیں کو ماضی میں قومی اعزازات سے نوازا جاچکا ہے۔
یہ بھی پڑھیں: اداکارہ ماہرہ خان نے فلم انڈسٹری میں فنکاروں کے لیے بڑا مطالبہ کردیا
سندھ کے وزیرِ ثقافت کے انکشاف کے بعد سوشل میڈیا پر بھی صارفین کی جانب سے مختلف ردعمل سامنے آیا۔ بعض صارفین نے ماہرہ خان اور فہد مصطفیٰ کو قومی اعزاز کا مستحق قرار دیا جبکہ کچھ نے اس فیصلے سے اختلاف بھی کیا۔
ایک صارف نے تبصرہ کیا کہ ’’ماہرہ اور فہد دونوں سپر اسٹارز ہیں، وہ اس اعزاز کے مستحق ہیں۔‘‘ ایک اور صارف نے کہا کہ ’’ستارۂ امتیاز کو ماہرہ کی ضرورت ہے، ماہرہ کو ستارۂ امتیاز کی نہیں۔‘‘
