قومی اقتصادی کونسل کی ایگزیکٹو کمیٹی (ایکنک) نے تربیلا پانچویں توسیعی پن بجلی منصوبے سمیت اربوں روپے مالیت کے متعدد ترقیاتی منصوبوں کی منظوری دے دی۔
مزید پڑھیں:وزیر خارجہ اسحاق ڈار کا سعودی ہم منصب کا رابطہ، خطے فلسطین کی صورتحال پر تبادلہ خیال
ڈپٹی وزیراعظم و وزیر خارجہ اسحاق ڈار کی زیر صدارت ایکنک اجلاس میں خوازہ خیلہ، بشام ایکسپریس وے، لاہور، حیدرآباد اور پشاور الیکٹرک سپلائی کمپنیوں میں بجلی کی تقسیم کے نظام میں بہتری، جنوبی پنجاب غربت میں کمی کے منصوبے، فل برائٹ اسکالرشپ سپورٹ پروگرام اور مختلف آبی، مواصلاتی اور بنیادی ڈھانچے کے منصوبوں کا جائزہ لیا گیا۔
تربیلا پانچویں توسیعی پن بجلی منصوبے کی نظرثانی شدہ لاگت 82 ارب 36 کروڑ 16 لاکھ روپے منظور کی گئی، جس میں 35 ارب 98 کروڑ روپے کا غیر ملکی زرمبادلہ کا حصہ شامل ہے۔
اجلاس میں تربیلا جھیل میں فلوٹنگ سولر پینلز کے پائلٹ منصوبے کے لیے مناسب فزیبلٹی اسٹڈی کے بعد الگ پی سی ون پیش کرنے کی ہدایت بھی کی گئی۔
مزید پڑھیں:اسلام آباد مذاکرات: غیر مصدقہ خبروں سے گریز کیا جائے، وزیر خارجہ اسحاق ڈار
ایکنک نے متعلقہ حکام کو ترقیاتی منصوبوں پر کام بروقت اور مؤثر انداز میں مکمل کرنے کی ہدایت کی۔
