خاتونِ اول اور رکن قومی اسمبلی بی بی آصفہ بھٹو زرداری نے اسلام آباد کے پمز اسپتال میں آتشزدگی کے باعث نومولود بچوں کے جاں بحق ہونے پر گہرے رنج و غم کا اظہار کیا ہے۔
ایوان صدر کے پریس ونگ کے مطابق خاتونِ اول نے بدھ کو سماجی رابطے کے پلیٹ فارم ایکس پر اپنے بیان میں سانحے میں جاں بحق ہونے والے نومولود بچوں کے سوگوار خاندانوں سے دلی ہمدردی اور تعزیت کا اظہار کیا۔
انہوں نے کہا کہ معصوم نومولود بچوں کی جانوں کا ضیاع انتہائی دلخراش اور گہرے صدمے کا باعث ہے۔
First Lady Bibi @AseefaBZ MNA expresses profound grief and sorrow over the tragic loss of newborn babies in the fire at PIMS Hospital, Islamabad.
Read More: https://t.co/CDdxtp1rBm pic.twitter.com/KEt8VUKcZK
— PPP (@MediaCellPPP) August 26, 2026
آصفہ بھٹو زرداری نے متاثرہ خاندانوں کے لیے صبر و حوصلے کی دعا کرتے ہوئے واقعے میں متاثر ہونے والے افراد کی جلد صحت یابی کے لیے بھی دعا کی۔
خاتونِ اول نے پمز اسپتال میں پیش آنے والے آتشزدگی کے واقعے کی مکمل، فوری اور شفاف تحقیقات کا مطالبہ کیا۔
انہوں نے زور دیا کہ اسپتال کے نظام کو مزید بہتر بنانے اور مستقبل میں اسپتالوں میں اس نوعیت کے المناک سانحات کی روک تھام کے لیے تمام ضروری اقدامات کیے جائیں۔
