اداکارہ رمشا خان نے بہن علیشا خان کی شادی میں اپنی عدم موجودگی اور پردے سے متعلق سوشل میڈیا پر ہونے والی قیاس آرائیوں پر خاموشی توڑ دی۔
رمشا خان اور خوشحال خان کی شادی کے بعد اداکارہ نے شوبز اور سوشل میڈیا سے دوری اختیار کرلی تھی۔ حال ہی میں رمشا کی بہن علیشا خان کی شادی کی تقریبات منعقد ہوئیں تاہم رمشا خان زیادہ تر تقریبات میں نظر نہیں آئیں۔ انہیں صرف ایک تقریب میں ماسک اور چشمہ پہنے دیکھا گیا جس کے بعد سوشل میڈیا پر مختلف قیاس آرائیاں شروع ہوگئیں۔
View this post on Instagram
بعض صارفین نے دعویٰ کیا کہ شاید رمشا خان کو ان کے شوہر یا سسرال کی جانب سے کیمرے کے سامنے آنے سے روکا جا رہا ہے جس پر اداکارہ کو تنقید کا بھی سامنا کرنا پڑا۔
تاہم رمشا خان نے واضح کیا کہ ان کے شوہر یا نئے خاندان کی جانب سے ان پر کسی قسم کی پابندی عائد نہیں کی گئی۔ رمشا خان کے مطابق وہ خود کیمرے کے سامنے نہیں آنا چاہتیں اور نہ ہی اپنے نام سے کسی قسم کا ہیش ٹیگ دیکھنا چاہتی ہیں۔
یہ بھی پڑھیں: اداکارہ رمشا خان نے خوشحال خان سے شادی کے بعد شوبز انڈسٹری سے کنارہ کشی کرلی؟
اداکارہ نے کہا کہ وہ اپنی ازدواجی زندگی میں بہت خوش ہیں اور اب ایک نجی شہری کی حیثیت سے زندگی گزارنا چاہتی ہیں۔
رمشا خان کے بیان کے بعد سوشل میڈیا صارفین کی جانب سے بھی مختلف ردعمل سامنے آئے۔ کچھ صارفین نے اداکارہ کے نجی زندگی گزارنے کے فیصلے کی حمایت کی جبکہ بعض نے بہن کی شادی میں ان کے اندازِ پردہ پر سوالات اٹھائے۔
ایک صارف نے لکھا کہ ’وہ جو چاہیں کرنے کا حق رکھتی ہیں‘ ایک اور صارف نے تبصرہ کیا ’پرائیویسی ٹھیک ہے لیکن اپنی بہن کی شادی میں ڈاکوؤں کی طرح کیوں گھوم رہی تھیں؟‘ ایک صارف نے کہا ’خوشحال کو بھی پھر پرائیویٹ ہوجانا چاہیے‘۔
