پاکستان اور جاپان کے درمیان سندھ میں سیلاب سے تحفظ کے منصوبے کے لیے گرانٹ معاہدے پر دستخط ہوگئے۔
وزارت اقتصادی امور کے مطابق جاپان سندھ میں سیلاب سے تحفظ کے منصوبے کے لیے 2.58 ارب جاپانی ین، قریباً 16.4 ملین امریکی ڈالر کی گرانٹ فراہم کرے گا۔ منصوبے کا مقصد سندھ میں سیلاب سے بچاؤ کے بنیادی ڈھانچے کو مضبوط بنانا اور قدرتی آفات سے نمٹنے کے لیے خطرے سے دوچار آبادیوں کی صلاحیت بڑھانا ہے۔
مزید پڑھیں:پاکستان اور جاپان کے درمیان دو طرفہ تعاون کو وسعت دینے پر اتفاق
منصوبے کے تحت لاڑکانہ میں دریائے سندھ کے دائیں کنارے واقع اولڈ آباد بند کو بہتر اور مضبوط بنایا جائے گا۔
وزارت اقتصادی امور کیمطابق جاپان سندھ میں سیلاب سے تحفظ کےمنصوبےکیلیے 2.58 ارب جاپانی ین، قریباً 16.4 ملین امریکی ڈالر کی گرانٹ فراہم کریگا۔ مقصد سندھ میں سیلاب سے بچاؤ کے بنیادی ڈھانچے کو مضبوط بنانا اور قدرتی آفات سے نمٹنے کیلیے خطرے سے دوچار آبادیوں کی صلاحیت بڑھاناہے۔#Japan pic.twitter.com/RYxEA1553h
— Media Talk (@mediatalk922) September 7, 2026
وزارت اقتصادی امور کے مطابق ایکسچینج آف نوٹس اور ریکارڈ آف ڈسکشن پر سیکریٹری اقتصادی امور محمد حمیر کریم اور جاپانی سفیر اکاماتسو شوئچی نے دستخط کیے، جبکہ گرانٹ معاہدے پر ایڈیشنل سیکرٹری اقتصادی امور سبینہ قریشی اور جائیکا کے سینئر نمائندے سوگاوارا تاکایوکی نے دستخط کیے۔
اس موقع پر سیکریٹری اقتصادی امور محمد حمیر کریم نے کہا کہ جاپان پاکستان کا دیرینہ اور قابلِ قدر ترقیاتی شراکت دار ہے، پاکستان کی سماجی و اقتصادی ترقی کے لیے جاپان کے پائیدار عزم اور فراخدلانہ ترقیاتی معاونت کو قدر کی نگاہ سے دیکھتے ہیں۔
مزید پڑھیں:پاکستان اور جاپان کے دوطرفہ تعلقات کا جائزہ، 27 جون کو ٹوکیو میں بیٹھک ہو گی
جاپانی سفیر نے کہا کہ دونوں ممالک دوستانہ تعلقات اور دوطرفہ تعاون کو مزید مضبوط بنائیں گے۔
