ایران نے اسرائیل کے لیے جاسوسی اور حساس فوجی تنصیبات سے متعلق معلومات فراہم کرنے کے جرم میں ایک شخص کو پھانسی دے دی۔
رائٹرز کے مطابق ایرانی عدلیہ کی نیوز ایجنسی میزان نے بتایا کہ حسین پداران کو اسرائیل کی خفیہ ایجنسی موساد کے لیے جاسوسی اور انٹیلیجنس تعاون کے الزامات میں سزائے موت سنائی گئی تھی، جس کی سپریم کورٹ نے بھی توثیق کردی تھی۔
Iran has executed a man it accused of passing information about missile sites in Isfahan to Israel's Mossad, the judiciary said on Saturday.https://t.co/LmvOeMw6zS
— Gary Buckley™ (@myrddenbuckley) September 19, 2026
ایرانی عدلیہ کے مطابق حسین پداران نے 12 روزہ جنگ کے دوران اسرائیل کو میزائل تنصیبات سے متعلق معلومات فراہم کی تھیں۔ اسے وسطی صوبے اصفہان میں حساس فوجی مقامات کے بارے میں معلومات موساد تک پہنچانے کا بھی مجرم قرار دیا گیا۔
رپورٹ کے مطابق ایرانی حکام کا کہنا ہے کہ پداران نے مالی فائدے کے لیے اسرائیل کے لیے جاسوسی کی۔ سپریم کورٹ کی جانب سے سزائے موت برقرار رکھنے کے بعد اسے پھانسی دے دی گئی۔
یہ بھی پڑھیں:ایران میں 2 نوجوان مظاہرین کو سرِعام پھانسی، عوامی احتجاج اور شیلنگ
ایرانی عدلیہ کی جانب سے جاری کردہ بیان میں مزید تفصیلات فراہم نہیں کی گئیں۔
