وفاقی وزیر اطلاعات و نشریات عطا اللہ تارڑ نے کہا ہے کہ افغانستان میں افغان طالبان کے زیر کنٹرول علاقوں میں 10 مقامات پر دہشتگردوں کے ٹھکانے اور معاون انفرااسٹرکچر تباہ کردیا گیا ہے۔
مزید پڑھیں:طالبان کے ڈرون حملوں کے دعوے پروپیگنڈا مہم، جھوٹ کا پلندہ، پاکستان نے افغان بیانیہ مسترد کردیا
سماجی رابطے کی ویب سائٹ ایکس پر بیان میں عطا اللہ تارڑ نے کہا کہ درست نشانے اور ڈرون حملوں کے ذریعے دہشتگردوں کے ٹھکانوں کو تباہ کیا گیا، کارروائی میں ڈرون لانچ کرنے اور ذخیرہ کرنے کے مقامات بھی نشانہ بنائے گئے۔
Update-Ghazab lil Haq
Islamabad, 24 September 2026;
Through precise aerial and drone strikes as seen in attached clip, terrorist hideouts and support infrastructure including drone launching and storage sites across 10 locations in areas under the control of Afghan Taliban… pic.twitter.com/6CrgV4SzSw
— Attaullah Tarar (@TararAttaullah) September 24, 2026
انہوں نے کہا کہ یہ اہداف پاکستان کے اندر نہتے شہریوں کے خلاف دہشتگرد حملوں سے منسلک تھے، جبکہ 23 ستمبر کو افغان طالبان حکومت کی جانب سے ڈرون کی دراندازی کی کوشش بھی ناکام بنائی گئی تھی۔
مزید پڑھیں:پاکستان کی سعودی عرب پر کیے گئے ڈرون حملوں کی مذمت، اظہار یکجہتی
وفاقی وزیر اطلاعات نے کہا کہ پاکستان اپنی علاقائی سالمیت کے دفاع اور اپنے شہریوں کی جان و مال کے تحفظ کے لیے کارروائیاں جاری رکھے گا۔ ان کا کہنا تھا کہ بیرونی سرپرستی، پناہ اور معاونت حاصل کرنے والے دہشتگرد پراکسیز سے لاحق خطرے کے خلاف پاکستان اپنے شہریوں کا تحفظ یقینی بنائے گا۔
