نائب وزیراعظم و وزیر خارجہ سینیٹر محمد اسحاق ڈار نے مملکت بحرین کے وزیر خارجہ ڈاکٹر عبداللطیف بن راشد الزیانی سے ٹیلی فونک رابطہ کیا، جس میں پاکستان اور بحرین کے درمیان برادرانہ تعلقات، دوطرفہ تعاون کے فروغ اور علاقائی صورتحال پر تبادلہ خیال کیا گیا۔
یہ بھی پڑھیں: بحرین کے وزیر خارجہ کا دورۂ پاکستان، مشترکہ وزارتی کمیشن کے اجلاس میں اہم فیصلے
ترجمان دفتر خارجہ کے مطابق دونوں رہنماؤں نے پاکستان اور بحرین کے درمیان قریبی اور برادرانہ تعلقات کی اہمیت کا اعادہ کیا اور اقوام متحدہ سمیت کثیرالجہتی فورمز پر باہمی تعاون کو مزید مضبوط بنانے کے طریقوں پر گفتگو کی۔
Deputy Prime Minister/Foreign Minister Senator Mohammad Ishaq Dar @MIshaqDar50 held a telephone conversation with the Foreign Minister of the Kingdom of Bahrain, H.E. Dr. Abdullatif bin Rashid Al Zayani, today.
The two leaders reaffirmed the close, fraternal relations between… pic.twitter.com/ZWETqlAnnp
— Ministry of Foreign Affairs – Pakistan (@ForeignOfficePk) October 26, 2026
ٹیلی فونک گفتگو کے دوران دونوں وزرائے خارجہ نے علاقائی پیش رفت پر بھی اپنے خیالات کا تبادلہ کیا اور مشترکہ ترجیحات کے حصول کے لیے باقاعدہ مشاورت اور قریبی رابطہ کاری کی اہمیت پر زور دیا۔
مزید پڑھیں: بحرین کی ایران امریکا مفاہمت میں پاکستان کے کردار کی تعریف
ترجمان دفتر خارجہ کے مطابق دونوں رہنماؤں کے درمیان گفتگو میں پاکستان اور بحرین کے دوستانہ تعلقات کو مزید مستحکم بنانے اور مختلف بین الاقوامی فورمز پر تعاون بڑھانے کے عزم کا اعادہ کیا گیا۔
