ہالی ووڈ کے معروف برطانوی اداکار سر پیٹرک اسٹیورٹ 86 برس کی عمر میں انتقال کر گئے۔ ان کا شمار تھیٹر، ٹیلیویژن اور فلم کے ممتاز اداکاروں میں ہوتا تھا۔ 6 دہائیوں سے زیادہ عرصے پر محیط فنی سفر میں انہوں نے متعدد یادگار کردار ادا کیے، تاہم انہیں عالمی شہرت سائنس فکشن سیریز ’اسٹار ٹریک: دی نیکسٹ جنریشن‘ میں کیپٹن جین لوک پیکارڈ اور فلمی سلسلے ’ایکس مین‘ میں پروفیسر چارلس زیویئر کے کرداروں سے ملی۔
سر پیٹرک اسٹیورٹ 28 اکتوبر 2026 کو لاس اینجلس میں اپنی رہائش گاہ پر انتقال کر گئے۔ ان کے ترجمان کے مطابق وہ الزائمر اور لیوی باڈی ڈیمنشیا کے عارضوں سے نبرد آزما تھے۔
Ian McKellen speaks out on his ‘love’ for Patrick Stewart in heartbreaking tribute to longtime pal https://t.co/NHsQUEz7e4 pic.twitter.com/vW1rwj8Nw4
— New York Post (@nypost) October 30, 2026
13 جولائی 1940 کو انگلینڈ کے علاقے میر فیلڈ میں پیدا ہونے والے پیٹرک اسٹیورٹ نے کم عمری میں اداکاری کا آغاز کیا۔ انہوں نے برسوں رائل شیکسپیئر کمپنی کے ساتھ کام کیا اور شیکسپیئر کے کئی معروف ڈراموں میں اپنی اداکاری کے جوہر دکھائے۔ تھیٹر میں ان کی خدمات کے اعتراف میں انہیں اولیور ایوارڈز بھی ملے، جبکہ براڈوے پر بھی ان کی اداکاری کو سراہا گیا۔
یہ بھی پڑھیں:اے آئی ڈیپ فیک: ہالی ووڈ کے 5 ستارے جن کی ڈیجیٹل شناخت خبروں میں رہی
1987 میں ’اسٹار ٹریک: دی نیکسٹ جنریشن‘ میں کیپٹن جین لوک پیکارڈ کا کردار ملنے کے بعد ان کی شہرت دنیا بھر میں پھیل گئی۔ یہ سیریز 7 برس جاری رہی اور انہوں نے بعد میں بھی متعدد فلموں اور ٹی وی سیریز میں یہی کردار ادا کیا۔ 2000 میں شروع ہونے والے ’ایکس مین‘ فلمی سلسلے میں پروفیسر چارلس زیویئر کا کردار بھی ان کی پہچان بن گیا۔
Legendary actor Sir Patrick Stewart has died aged 86. Speaking to the BBC in 2011, he revealed that he'd been told he would never be a "leading man".
Read more: https://t.co/TIO6Utqbga pic.twitter.com/Pf5e2C0Xgf
— BBC News (UK) (@BBCNews) October 29, 2026
پیٹرک اسٹیورٹ کو ڈرامے کے شعبے میں خدمات پر 2010 میں ملکہ الزبتھ دوم نے ’سر‘ کا خطاب دیا تھا۔ انہیں ایمی ایوارڈز کے لیے نامزد کیا گیا اور بچوں کے لیے بہترین گفتاری البم پر گریمی ایوارڈ بھی ملا۔
ان کے دیرینہ دوست اور معروف اداکار سر ایان میک کیلن نے انہیں خراجِ عقیدت پیش کرتے ہوئے کہا کہ پیٹرک اسٹیورٹ قابلِ اعتماد اور محبوب دوست تھے۔ دونوں اداکاروں نے ’ایکس مین‘ فلموں میں ایک ساتھ کام کیا اور ان کی دوستی کئی دہائیوں پر محیط تھی۔
سر پیٹرک اسٹیورٹ اپنے پیچھے تھیٹر، ٹیلیویژن اور فلم کے شعبوں میں یادگار کرداروں اور غیر معمولی فنی خدمات کا ورثہ چھوڑ گئے ہیں۔
