دنیا بھر میں مقبول ترین ڈرامہ سیریز ‘گیم آف تھرونز’ میں جیمی لینسٹر کا یادگار کردار نبھانے والے اداکار نکولائی کوسٹر والڈو کی کیف کے ایک میٹرو اسٹیشن پر پناہ لیے ہوئے تصویر سوشل میڈیا پر تیزی سے وائرل ہو رہی ہے۔
بین الاقوامی میڈیا رپورٹس کے مطابق روس کی جانب سے ممکنہ میزائل اور ڈرون حملوں کے خطرے کے پیشِ نظر اداکار نے محفوظ مقام کے طور پر میٹرو اسٹیشن میں پناہ لی۔
🎬 Jaime Lannister from Game of Thrones visits Kyiv’s metro
Danish actor Nikolaj Coster-Waldau, best known for playing Jaime Lannister, arrived in Kyiv as a Goodwill Ambassador for the United Nations Development Programme (UNDP).
On the night of October 28–29, he visited a metro station where Kyiv residents were sheltering from Russian attacks. The actor spoke with people, and one passenger even asked him for an autograph.
To millions of viewers, he’s a Game of Thrones hero. But for Ukrainians, the subway has long been part of their real-life struggle for survival.
— NEXTA (@nexta_tv) October 29, 2026
سوشل میڈیا پر تصویر وائرل ہونے کے بعد ان کے مداحوں کی جانب سے تشویش کا اظہار کیا گیا۔ اسٹیشن پر پوری رات گزارنے کے بعد نکولائی کوسٹر کو میٹرو ٹرین میں سفر کرتے بھی دیکھا گیا۔ ٹرین کی کوچ میں نشست سنبھالنے کے بعد انہوں نے پہچاننے والے ایک مداح کے ساتھ خوش دلی سے سیلفی بھی بنوائی۔
تصویر وائرل ہونے کے بعد ہالی ووڈ اداکار نے اپنی مقبولیت اور شہرت کا استعمال کرتے ہوئے عام شہریوں پر جنگ کے بھیانک اثرات کی جانب دنیا کی توجہ مبذول کروائی۔
انہوں نے اپنے انسٹاگرام اسٹوری پر وہی وائرل تصویر شیئر کرتے ہوئے لکھا ’کیف کے میٹرو اسٹیشن میں ایک رات گزاری، جو کافی سخت اور خوفناک تھی۔ میں نے تو صرف ایک رات یہاں گزاری اور اس کا احوال بیان کر رہا ہوں، لیکن ہزاروں یوکرینی شہریوں کے لیے بمباری کے دوران زندہ رہنے اور محفوظ رہنے کے لیے یہ روز کا معمول بن چکا ہے۔ ہمیں ان عام شہریوں کی مدد کا سلسلہ جاری رکھنا ہوگا اور ان عالمی قوانین کی پاسداری کرنی ہوگی جن پر ہم سب کا اتفاق ہے۔‘
اداکار نے اپنی اس پوسٹ میں اقوامِ متحدہ کے ترقیاتی پروگرام (UNDP) کو بھی ٹیگ کیا۔
ایک مقامی ٹی وی چینل کو دیے گئے انٹرویو میں نکولائی کوسٹر نے بتایا کہ وہ بحیثیت یو این ڈی پی (UNDP) کے سفیرا ن کے ہمراہ کیف کا دورہ کر رہے ہیں۔ ان کا کہنا تھا ’میں یہاں یو این ڈی پی کی نمائندگی کر رہا ہوں اور میرا مقصد لوگوں میں شعور بیدار کرنا ہے تاکہ دنیا اس ملک کو بھول نہ جائے۔ یہ قوم شاندار ہمت کا مظاہرہ کر رہی ہے لیکن انہیں بین الاقوامی برادری کی مدد کی اشد ضرورت ہے، بالخصوص اب جبکہ موسمِ سرما کی آمد آمد ہے۔‘
