پاکستانی ٹی وی میزبان اور سابق اداکارہ فضا علی کی بیٹی فرال کی ایک ویڈیو سوشل میڈیا پر وائرل ہورہی ہے جس کے بعد انہیں مصنوعی برطانوی لہجہ اپنانے پر صارفین کی تنقید کا سامنا ہے۔
فضا علی نے حال ہی میں ٹک ٹاک پر ایک ویڈیو شیئر کی جس میں ان کی بیٹی فرال اپنی ایک برطانوی ہم جماعت کے ساتھ موجود ہیں۔ ویڈیو میں فضا علی دونوں بچیوں سے ان کی پسندیدہ ٹیچر کے بارے میں سوال کرتی ہیں۔
ویڈیو میں فرال کی برطانوی دوست مختصر اور سادہ انداز میں اپنی پسندیدہ ٹیچر کے بارے میں بتاتی ہیں جبکہ فرال نسبتاً بلند آواز میں تفصیلی جواب دیتی ہیں۔ اس دوران ان کے برطانوی لہجے میں بات کرنے کے انداز نے سوشل میڈیا صارفین کی توجہ حاصل کرلی۔
ویڈیو وائرل ہونے کے بعد متعدد صارفین نے فرال کے لہجے کو مصنوعی قرار دیتے ہوئے تنقید کی۔ ایک صارف نے تبصرہ کیا کہ دوسری بچی زیادہ مہذب اور پرسکون دکھائی دیتی ہے جبکہ فرال غیر ضروری طور پر زیادہ ردعمل دے رہی ہیں۔
ایک اور صارف نے طنزیہ انداز میں لکھا کہ حقیقی برطانوی بچی زیادہ شائستہ اور مہذب ہے جبکہ اس کی نقل کرنے والی بچی ضرورت سے زیادہ بناوٹ کا مظاہرہ کر رہی ہے۔
ایک صارف نے تبصرہ کیا کہ جو لوگ حال ہی میں برطانیہ منتقل ہوتے ہیں وہ مقامی لوگوں جیسا لہجہ اپنانے کی کوشش کرتے ہیں جیسے وہ وہیں پیدا ہوئے اور پلے بڑھے ہوں تاہم انہیں پہلے اخلاقیات اور شہری آداب کا خیال رکھنا چاہیے۔
یہ بھی پڑھیں: ’آپ کی معافی قبول نہیں‘، فضا علی کی معذرت پر صارفین برہم، متنازع ویڈیو پر سخت ردعمل
اسی طرح ایک اور صارف نے فرال کے انداز کو ان کی والدہ فضا علی کے اندازِ گفتگو سے تشبیہ دیتے ہوئے اسے حد سے زیادہ مبالغہ آمیز قرار دیا۔
دوسری جانب بعض سوشل میڈیا صارفین نے فضا علی کو بھی بچیوں سے گفتگو کے دوران اپنے لہجے، اندازِ بیان اور غیر معمولی طرزِ گفتگو پر تنقید کا نشانہ بنایا۔
واضح رہے کہ فضا علی نے 2026 میں اعجاز خان سے شادی کے بعد شوبز انڈسٹری سے کنارہ کشی اختیار کرلی تھی اور اپنی بیٹی فرال کے ہمراہ برطانیہ منتقل ہوگئی تھیں جہاں انہوں نے فرال کو ایک مقامی اسکول میں داخل کروایا تھا۔
