پاکستانی اداکارہ اور ٹی وی میزبان فضا علی نے اپنے شوہر کے ساتھ غیر اخلاقی حرکت پر ہونے والی تنقید کے بعد مارننگ شو میں معافی مانگ لی ہے۔
اپنے پروگرام میں فضا علی کا کہنا تھا کہ گزشتہ ہفتے ان کے اہل خانہ کو پروگرام میں مدعو کیا گیا تھا تاہم پروگرام کا ایک خاص حصہ ناظرین کو ناگوار گزرا جس کا اظہار انہوں نے سوشل میڈیا پر تنقید سے کیا۔
یہ بھی پڑھیں: ’ساری حدیں پار کر دیں‘، فضا علی کی شوہر کے ساتھ لائیو شو میں عجیب و غریب حرکتیں، صارفین برہم
ان کا کہنا تھا کہ مجھے احساس ہے کہ خوشی اور جذبات کا اظہار موقع اور مقام کی مناسبت سے ہونا چاہیے تھا تو اس پر میں اور میری پوری ٹیم آپ سے معذرت کرتے ہیں اور اس پر ہمیں کوئی عار نہیں ہے۔ امید ہے آپ اس معذرت کو قبول کریں گے۔
View this post on Instagram
سوشل میڈیا صارفین کی جانب سے اس معذرت کو ملا جلا ردعمل ملا ہے۔ بعض صارفین کا کہنا ہے کہ ٹی وی میزبان ریٹنگ کے حصول کے لیے متنازعہ حرکات کا سہارا لیتے ہیں اور بعد ازاں معذرت کر لیتے ہیں جبکہ کچھ افراد نے اس معذرت کو محض رسمی کارروائی قرار دیا ہے۔
ایک صارف نے کہا کہ ہمیں آپ کی معافی قبول نہیں، ایک سوشل میڈیا صارف نے کہا کہ اب یہ ڈرامے بند کریں۔ خرم نامی صارف نے کہا کہ ان کو ابھی بھی شرم نہیں آ رہی۔ جبکہ کئی صارفین نے تنقید کرتے ہوئے کہا کہ انہیں احساس ہوا لیکن پھر انہوں نے ہر ویڈیو میں یہی حرکت کرنا شروع کر دی۔
یہ بھی پڑھیں: لائیو شو میں فضا علی کی غیر اخلاقی حرکت پر پیمرا نے ایکشن لےلیا
واضح رہے کہ گزشتہ دنوں ایک لائیو شو کے دوران فضا علی کے شوہر انہیں کندھوں پر اٹھا لیا۔ اس منظر کے بعد سوشل میڈیا صارفین کی بڑی تعداد نے اس عمل کو نامناسب قرار دیتے ہوئے سخت تنقید کی اور پیمرا سے ایکشن لینے کا بھی مطالبہ کیا۔
جس کے بعد پیمرا نے معاملے کا نوٹس لیتے ہوئے متعلقہ چینل سے وضاحت طلب کر لی۔ پیمرا کا کہنا ہے کہ براڈکاسٹرز کو مواد کی نشریات کے دوران پیشہ ورانہ معیار اور اخلاقی ضابطوں کی مکمل پابندی یقینی بنانی چاہیے۔
