سری لنکا کرکٹ ٹیم کے معروف کوچ گیری کرسٹن نے پاکستان کے دورے کے دوران وفاقی دارالحکومت اسلام آباد کی خوبصورت اور سرسبز شاہراہوں پر سائیکلنگ کی اور شہر کے قدرتی حسن سے لطف اندوز ہوئے۔
اس موقع پر اسلام آباد پولیس کی جانب سے ان کی حفاظت کے لیے ضروری سیکیورٹی انتظامات کیے گئے۔
یہ بھی پڑھیں: پاکستانی کھلاڑیوں کے ساتھ کام کرنے کا تجربہ کیسا رہا، سابق کوچ گیری کرسٹن نے بتادیا
گیری کرسٹن سری لنکا کرکٹ ٹیم کے ہمراہ پاکستان کے دورے پر تھے، جہاں سری لنکا اور انگلینڈ کی ٹیمیں سہ فریقی ون ڈے سیریز میں شرکت کے لیے پاکستان آئی تھیں۔
اسلام آباد پولیس نے گیری کرسٹن کی سائیکلنگ کے دوران سیکیورٹی کے خصوصی انتظامات کیے تاکہ وہ بلاخوف و خطر وفاقی دارالحکومت کی خوبصورت شاہراہوں اور پُرسکون ماحول سے لطف اندوز ہو سکیں۔
A safe and welcoming Islamabad for everyone!
Renowned cricket coach Gary Kirsten enjoys cycling along the capital’s scenic routes, with Islamabad Police ensuring necessary security arrangements.#SafeIslamabad #IslamabadPolice pic.twitter.com/yHz5lCTppq— Islamabad Police (@ICT_Police) November 2, 2026
اسلام آباد اپنی سرسبز پہاڑیوں، کشادہ سڑکوں اور قدرتی مناظر کے باعث ملکی و غیر ملکی مہمانوں کے لیے خصوصی کشش رکھتا ہے۔ شہر کا خوشگوار ماحول اور خوبصورت راستے سائیکلنگ سمیت مختلف تفریحی سرگرمیوں کے لیے موزوں تصور کیے جاتے ہیں۔
اسلام آباد پولیس کا کہنا ہے کہ وفاقی دارالحکومت کو شہریوں، سیاحوں اور غیر ملکی مہمانوں کے لیے محفوظ اور خوشگوار شہر بنانا ترجیحات میں شامل ہے۔ پولیس کی جانب سے مہمانوں کی نقل و حرکت اور تفریحی سرگرمیوں کے دوران بھی ضروری حفاظتی اقدامات یقینی بنائے جاتے ہیں۔
