گیلپ اینڈ گیلانی کے حالیہ سروے کے مطابق 97 فیصد پاکستانی خود کو مذہبی سمجھتے ہیں۔
گیلپ اینڈ گیلانی سروے کے مطابق پاکستان بھر سے شماریاتی طور پر منتخب خواتین و حضرات سے سوال کیا گیا تھا کہ ’روزمرہ عبادت سے قطع نظر، آپ بتائیں کہ آپ خود کو کیسا دیکھتے ہیں؟‘
سروے سے حاصل شدہ نتائج کے مطابق 97 فیصد جواب دہندگان نے بتایا کہ وہ خود کو مذہبی سمجھتے ہیں جبکہ 02 فیصد پاکستانیوں نے بتایا کہ وہ خود کو غیر مذہبی سمجھتے ہیں۔ سروے میں ایک فیصد افراد نے اپنی رائے کا اظہار کرنا مناسب نہ سمجھتے ہوئے کوئی جواب نہیں دیا۔
گیلانی ریسرچ فاؤنڈیشن نے یہ سروے گیلپ انٹرنیشنل سے منسلک گیلپ اور گیلانی پاکستان کی مدد سے کیا گیا۔ یہ سروے پاکستان کی دیہی اور شہری آبادی کے 1462 مرد و خواتین سے 3 سے 24 اگست 2022 کے دوران کیا گیا تھا۔ سروے میں ڈیٹا اکٹھا کرنے کا ذریعہ ٹیلی فون کالز تھیں۔
