قومی کرکٹ ٹیم سری لنکا کے خلاف ٹیسٹ میچ سیریز کھیلنے کے لیے کولمبو پہنچ گئی، جس کا آغاز 16 جولائی سے شروع ہوگی۔
قومی کرکٹ ٹیم کے فاسٹ بولر شاہین شاہ آفریدی کا کہنا ہے کہ ٹیسٹ کرکٹ میں واپسی پر بہت خوش ہوں، خوشی ہے میری واپسی اسی ٹیم کے خلاف ہو رہی ہے جہاں میں انجرڈ ہوا تھا۔
پاکستان کرکٹ بورڈ (پی سی بی) کو دیئے گئے پوڈ کاسٹ انٹرویو میں ان کا کہنا تھا کہ کرکٹ سے دور ہونا کافی مشکل ہے لیکن میں نے اس سے کافی چیزیں سیکھی ہیں اور اس سے پرفارمنس مزید بہتر ہو گی۔
"Very excited to be making my Test comeback"@iShaheenAfridi eyes 1️⃣0️⃣0️⃣th Test wicket on return to red-ball cricket
Read more ➡️ https://t.co/ycqyfLybvE#SLvPAK pic.twitter.com/7JISSeyxXM
— Pakistan Cricket (@TheRealPCB) July 13, 2023
شاہین شاہ آفریدی نے کہا کہ طویل فارمیٹ میں 100 وکٹیں حاصل کرنے سے محض ایک وکٹ دور ہوں یہ اہم سنگ میل ہے۔ انہوں نے مزید کہا کہ میں بالر ہوں لیکن اگر مجھے بیٹنگ میں بھی کچھ کر دکھانے کا موقع ملے تو میں ضرور کروں گا۔
فاسٹ بالر نے مزید کہا کہ گزشتہ سال میں نے وائٹ بال کرکٹ زیادہ کھیلی لیکن جب میں کاؤنٹی کرکٹ کھیل رہا تھا تو میچز کے بعد میں نے ریڈ بال سے بھی کئی اوورز کیے تاکہ میں خود کو ورک لوڈ کے قریب کرسکوں۔
سماجی رابطوں کی سائیٹ ٹوئٹر پر شاہین شاہ آفریدی کا انٹرویو وائرل ہونے کے بعد صارفین نے ان کے لیے نیک خواہشات کا اظہار کرتے ہوئے تبصرے کیے۔
مریم فرقان نامی صارف نے لکھا کہ شاہین شاہ آفریدی کو وہ ضرور ملے گا جس کے وہ حقدار ہیں۔
IA he will get what he deserves https://t.co/HcTuaMGuz3
— 🇵🇸🇵🇸🇵🇸 (@MARYAMF95015711) July 13, 2023
شاہین شاہ آفریدی کی توجہ بیٹنگ کی بجائے صرف باؤکنگ کی جانب مرکوز کراتے ہوئے ایک صارف نے لکھا کہ ہمیں آپ کی باؤلنگ چاہیے بیٹنگ کرنا آپ کا کام نہیں ہے۔
https://twitter.com/IAbdullahs56/status/1679364009483546624?s=20
ایک صارف کا کہنا تھا کہ ہمارے فاسٹ باؤلرز ٹی ٹوئنٹی میں کافی جان مارتے ہیں، ان کو ٹیسٹ میچز میں شارٹ اسپیلز کے لیے استعمال کرنا چاہیے تھا تاکہ ان کی فٹنس برقرار رہے اور وہ لمبے عرصے تک ٹیسٹ میچ بھی کھیل سکیں، کیونکہ کرکٹ ایک مشکل گیم ہے۔
Hmare fast bowlers T-20 specialist hn kafi Jan Marty hn inko test ma short spells ma use krna chahye ta k yh fit bhi rhain aur lmbby arsa tk test bhi khel skain test Cricket lmbi aur tough hotti h
— Ali Hasnain (@AliHasnain_786) July 13, 2023
عبدالحسیب نامی صارف نے مزاحیہ انداز میں ویڈیو کی کوالٹی کے بارے میں بات کرتے ہوئے لکھا کہ جس کوالٹی میں اس ویڈیو کو ریکارڈ کیا گیا ہے وہ بہت بری ہے اس سے اچھا رزلٹ تو میرے موبائل کے کمیرے کا ہے۔
Result dakeo camera ka, issay acha tou mere mob ka hy, aur bhtr shoot krlu
— Abdul Haseeb (@sonu_haseeb) July 13, 2023
واضح رہے کہ گزشتہ برس اسی سری لنکا کے گال ٹیسٹ میں وہ گھٹنے کی تکلیف میں مبتلا ہوگئے تھے۔ آسٹریلیا میں منعقدہ ٹی20 ورلڈکپ میں ان کی واپسی ہوئی لیکن فائنل میں ان کا گھٹنا پھر زخمی ہوگیا جس کی وجہ سے وہ انگلینڈ اور نیوزی لینڈ کےخلاف ہوم سیریز نہیں کھیل پائے تھے۔
