ایشیا کپ کے حتمی شیڈول سے متعلق ایشین کرکٹ کونسل کا اجلاس 16جولاٸی کو دبٸی میں ہوگا،اجلاس میں پاک بھارت میچ کے میزبان شہر کا بھی فیصلہ کیا جائے گا۔
ایشیا کپ سے متعلق ایشین کرکٹ کونسل کا اجلاس طے شدہ شیڈول کے مطابق 16 جولائی کو دبئی میں ہو گا، اجلاس میں ایشیا کپ کے میچز کی تاریخوں کا حتمی فیصلہ کیا جائے گا۔
اجلاس میں چیئرمین پاکستان کرکٹ بورڈ (پی سی بی ) منیجمنٹ کمیٹی ذکاء اشرف بھی شرکت کریں گے، اجلاس میں روایتی حریف پاکستان اور بھارت کے درمیان میچ کے میزبان شہر کا فیصلہ بھی کیا جائے گا۔
امکان ظاہر کیا جا رہا ہے کہ پاکستان اور بھارت کے درمیان میچ سری لنکا کے شہر پالیکیلے میں کھیلا جائے گا۔
واضح رہے کہ ایشیا کپ 2023ء پاکستان میں منعقد ہونا تھا، بھارتی کرکٹ بورڈ کی جانب سے ٹیم پاکستان نہ بھیجنے کے اعلان کے باعث پاکستان کرکٹ بورڈ (پی سی بی) کے سابق چیئرمین نجم سیٹھی نے ہائبرڈ ماڈل پیش کیا، نجم سیٹھی کے ہائبرڈ ماڈل کے تحت اب اس یونٹ کے ابتدائی 4 میچز پاکستان میں کھیلے جائیں گے جب کہ باقی 9 میچز سری لنکا میں ہوں گے۔
