پاکستان تحریک انصاف (پی ٹی آئی) کے صدر چوہدری پرویز الٰہی کی منی لانڈرنگ کیس میں رہائی کے لیے نئی روبکار جاری کر دی گئی ہے مگر ان کی دوبارہ گرفتاری کا خدشہ ظاہر کیا جا رہا ہے۔
واضح رہے کہ منی لانڈرنگ کیس میں بینکنگ کورٹ نے صدر پی ٹی آئی کی رہائی کے لیے ضمانتی مچلکے منظور کرتے ہوئے روبکار جاری کی۔
یہ بھی یاد رہے کہ بینکنگ کورٹ نے 11 جولائی کو 5 لاکھ کے مچلکوں کے عوض پرویز الٰہی کی ضمانت منظور کی تھی مگر جیل حکام نے اعتراض کرتے ہوئے کہا تھا کہ پرویز الٰہی کی رہائی کے لیے مشروط حکم کی وضاحت کی جائے۔
