اسلام آباد کی مقامی عدالت نے چیئرمین پی ٹی آئی عمران خان اور بشریٰ بی بی کیخلاف غیر شرعی نکاح کے مقدمے کو قابل سماعت قرار دیتے ہوئے عمران خان اور بشریٰ بی بی کو 20 جولائی کے لیے نوٹسز جاری کر دیے ہیں۔
سول جج قدرت اللہ نے گزشتہ روز درخواست گزار محمد حنیف کی درخواست پر دلائل سننے کے بعد فیصلہ محفوظ کیا تھا۔ وکیل رضوان عباسی نے اپنے دلائل میں کہا تھا کہ بشریٰ بی بی کیساتھ چیئرمین پی ٹی آئی کا نکاح دوران عدت ہوا۔
انہوں نے مزید کہا کہ نکاح لاہور میں ہوا لیکن دونوں بنی گالا اسلام آباد میں رہائش پذیر تھے۔ قانون کے مطابق اسلام آباد اور لاہور میں سے کسی بھی شہر میں درخواست قابل سماعت قرار دی جا سکتی ہے۔ وکیل رضوان عباسی نے غیر شرعی نکاح کیس قابل سماعت قرار دینے کی استدعا کی تھی۔
