پاکستان کے حمزہ خان نے ورلڈ جونیئر اسکواش چیمپیئن شپ کے فائنل میں فتح حاصل کر کے 37 برس بعد یہ اعزاز پاکستان کے نام کر دیا ہے۔ ملک بھر سے اہم شخصیات نے جہاں حمزہ خان کو مبارکباد پیش کی وہیں سمجای رابطوں کی ویب سائٹس پر بھی صارفین کی جانب سے مبارکباد اور خوب پذیرائی کی گئی۔
سماجی رابطے کی ویب سائٹ ٹوئٹر پر جیت کے بعد ورلڈ سکواش کے اکاؤنٹ سے ایک ٹوئٹ کی گئی جس میں حمزہ خان نے جیتنے کے بعد جذباتی انداز میں کہا اللہ کا شکر ادا کرتا ہوں ، میرے کوچز نے ہر بار میرا ساتھ دیا۔
“They support me, every single time” 🙏
An emotional Hamza Khan reacts to his WSF World Junior Squash Championship win#WSFjuniors @paksquash @squashAUS pic.twitter.com/gZ94sq39k1
— World Squash (@WorldSquash) July 23, 2023
حمزہ خان کی جیت پر تبصرہ کرتے ہوئے صارف نورینہ شمس لکھتی ہیں کہ یہ جیت مجھے اپنی محسوس ہوتی ہے۔ میں نے دیکھا ہے کہ حمزہ خان اور ان کے والد پچھلے کچھ سالوں سے مشکل حالات سے گزر رہے ہیں۔ میں نے اسے ٹائٹل جیتنے، پابندیوں کا سامنا کرتے، چوٹوں سے لڑتے اور حق کے لیے لڑتے دیکھا ہے۔
انہوں نے مزید لکھا مجھے اب بھی ان کے ساتھ 2 مہینے پہلے کی بات چیت یاد ہے جب وہ ٹائٹل جیتنے کے لیے بہت پرعزم اور پرجوش نظر آرہے تھے۔ مجھے بتا رہے تھے کہ کیسے وہ کوشش کر رہے ہیں اور یہ ثابت کرنا چاہتے ہیں کہ وہ ہر طرح کی سپورٹ کے مستحق ہیں۔
نورینہ شمس نے مزید لکھا سارا کریڈٹ ان کے کوچز اور خاص طور پر ان کے والد کو جاتا ہے جو مشکل حالات میں بھی کھڑے رہے اور 37 سال کے بعد انہوں نے تاریخ رقم کی ہے۔
This win feels personal. I saw @iamhamzakhan21 & his father making their way through rough patches the past few years. I saw him winning titles, facing bans, struggling with injuries & fighting for his right to play & represent. I still remember my conversation with him from 2… pic.twitter.com/x8yVt3MKtl
— Noorena Shams (@noorenashams) July 23, 2023
ایک اور صارف نے حمزہ خان کی جیت پر تبصرہ کرتے ہوئے لکھا کہ حمزہ کو مبارک ہو۔ جہانگیر اور جانشیر دونوں کے مداح کے طور پر جنہیں میں نے 1980-90 کی دہائی میں دیکھا تھا، امید ہے کہ یہ پاکستانی سکواش کی بحالی کا آغاز ہو!
حمزہ اور پاکستان کو مبارک ہو۔
Congratulations to Hamza. As a fan of both Jahangir and Jansher who I saw in 1980s-90s, hope this is the beginning of revival of #Pakistan Squash!
All The Best to Hamza and Pakistan #Squash!— Asad Baig (@asadbaig1) July 23, 2023
ایک اور صارف نے لکھا ہم میں سے جو لوگ جہانگیر اور جانشیر خان کو دیکھ کر بڑے ہوئے ہیں، ان کے لیے یہ ایک نئی امید ہے۔۔ مبارک ہو حمزہ خان مستقبل میں محنت کریں، ہماری دعائیں آپ کے ساتھ ہیں۔ ایک میراث کی تجدید کرنے کا شکریہ جس کے بارے میں میں نے سوچا تھا کہ کھو گیا ہے۔
For those of us that grew up watching Jahangir and Jansher Khan, this feels like another light being lit. Congratulations @iamhamzakhan21 work hard in the future, our prayers are with you. thank you for renewing a legacy that I thought was lost.
— Dr Khalid Anis MBE (@KhalidAnis) July 23, 2023
واضح رہے کہ حمزہ خان نے بوسٹن میں اپنے ماموں شاہد زمان خان کے ساتھ ٹریننگ کی ہے جو پاکستان کے بہترین سکواش کھلاڑیوں میں سے ایک اور سابق ورلڈ نمبر 14 رہ چکے ہیں
