اسلام آباد ہائیکورٹ کے چیف جسٹس عامر فاروق کے خلاف سپریم جوڈیشل کونسل میں درخواست دائر کردی گئی ہے۔ بیرسٹر علی طاہر کی جانب سے 6 صفحات پر مشتمل درخواست میں چیف جسٹس پر مس کنڈکٹ کے متعدد الزامات عائد کیے گئے ہیں۔
درخواست میں چیف جسٹس عامر فاروق پر مس کنڈکٹ،عہدے کے غلط استعمال اور جانبداری کے الزامات عائد کیے گئے ہیں ۔ بیرسٹر علی طاہر نے استدعا کی ہے کہ چیف جسٹس عامر فاروق کیخلاف انکوائری کر کے انکو عہدے سے ہٹایا جائے۔
چیف جسٹس عامر فاروق تحریک انصاف اور چیئرمین پی ٹی آئی کیخلاف کام کر رہے ہیں، طاقتور حلقوں کیساتھ ملکر چیئرمین پی ٹی آئی کو نشانہ بنایا جارہا ہے، جج ہمایوں دلاور کو توشہ خانہ کیس واپس بھیجنے سمیت جسٹس عامر فاروق متعدد متنازعہ فیصلے دے چکے ہیں۔
شکایت کی کاپی سپریم جوڈیشل کونسل کے تمام ممبران کو ارسال کی گئی ہے۔
