وزیر مملکت برائے خارجہ امور حنا ربانی کھر کی سعودی نائب وزیر خارجہ ولید عبدالکریم الخیرجی سے ملاقات ہوئی ہے۔
ترجمان دفتر خارجہ کے مطابق سعودی نائب وزیر ولید عبدالکریم الخیرجی توانائی، صحت، ماحولیات، زراعت، صنعت اور معدنی وسائل کے نمائندہ وفد کی قیادت کر رہے ہیں۔
مزید پڑھیں
سعودی وفد کا خیرمقدم کرتے ہوئے وزیر مملکت برائے خارجہ امور نے دوطرفہ تعلقات کے مثبت انداز پر اطمینان کا اظہار کیا اور پاکستان میں سرمایہ کاری کے مواقع تلاش کرنے میں سعودی عرب کی دلچسپی کو سراہا۔ ملاقات میں باہمی دلچسپی کے علاقائی اور عالمی امور پر بھی تبادلہ خیال کیا گیا۔
پاکستان اور سعودی عرب کے درمیان باہمی اعتماد اور قریبی کثیر جہتی تعاون پر مبنی تعلقات کی ایک طویل تاریخ ہے۔
