پشتون تحفظ موومنٹ ( پی ٹی ایم) نے نگراں وزیر داخلہ کے ساتھ مذاکرات میں کامیابی کے بعد اپنا جلسہ سپریم کورٹ سے ترنول منتقل کر دیا ہے۔
نگراں وفاقی وزیر داخلہ سرفراز احمد بگٹی نے ہفتہ کو سماجی رابطے کی ویب سائٹ ٹوئٹر پر ایک ٹویٹ کیا ہے جس میں انہوں نے اس بات کی تصدیق کی ہے کہ پشتون تحفظ موومنٹ ( پی ٹی ایم ) کے ساتھ مذاکرات کامیاب ہو گئے ہیں۔
گزشتہ رات PTM قیادت سے کامیاب مزاکرات ہوئے جس میں PTM قیادت نے اسلام آباد جلسہ گاہ کی جگہ سپریم کورٹ سے تبدیل کر کے ترنول کرنے پر اتفاق کیا۔ PTM کے لاہور، پشاور اور دیگر شہروں سے گرفتار کارکنان کو سختی سے فوری رہا کرنے کا حکم جاری کر دیا گیا ہے۔ میں PTM قیادت کا حکومت کے ساتھ…
— Sarfraz Bugti (@PakSarfrazbugti) August 18, 2023
انہوں نے اپنے ٹویٹ میں لکھا کہ’ گزشتہ رات پشتون تحفظ موومنٹ ( پی ٹی ایم) کی قیادت سے کامیاب مذاکرات ہوئے جس میں ’پی ٹی ایم‘ قیادت نے اسلام آباد جگہ سپریم کورٹ سے تبدیل کر کے ترنول کرنے پر اتفاق کیا ہے‘۔
انہوں نے اپنے ’ٹویٹ‘ میں مزید لکھا کہ پشتون تحفظ موومنٹ ( پی ٹی ایم) لاہور، پشاور اور دیگر شہروں سے گرفتار کارکنان کو سختی سے فوری رہا کرنے کا حکم جاری کر دیا گیا ہے۔‘ ’ میں پشتون تحفظ موومنٹ ( پی ٹی ایم) قیادت کا حکومت کے ساتھ تعاون پر شکر گزار ہوں۔
