نگران وزیر خارجہ جلیل عباس جیلانی سے سعودی اور ایرانی سفیروں نے علیحدہ علیحدہ ملاقات کی۔
پاکستان میں سعودی عرب کے سفیر نواف بن سعید المالکی نے آج نگراں وزیر خارجہ جلیل عباس جیلانی سے ملاقات کی اور انہیں وزرات خارجہ کی ذمہ داریاں سنبھالنے پر مبارکباد دی۔
اس موقع پر سعودی سفیر نواف بن سعید المالکی نے سعودی قیادت کی جانب سے نیک خواہشات کا اظہار کیا۔
ملاقات میں دوطرفہ تعلقات، تجارت اور سرمایہ کاری پر بھی بات چیت ہوئی۔
علاوہ ازیں آج ہی کے روز نگران وزیر خارجہ جلیل عباس جیلانی سےایران کے لیے نامزد سفیر محمد مدثر ٹیپو نے جمعرات کو ملاقات کی۔
دفتر خارجہ کے مطابق اس موقع پر گفتگو کرتے ہوئے نگران وزیر خارجہ نے کہا کہ پاکستان ایران کے ساتھ تعلقات کو بہت اہمیت دیتا ہے۔
انہوں نے اس توقع کا اظہار کیا کہ نامزد سفیر دونوں برادر ممالک کے درمیان دوطرفہ تعلقات کو مزید مضبوط کریں گے۔
