بلوچستان سے تعلق رکھنے والے سینیٹر انوار الحق کاکڑ جنہوں نے پاکستان کے آٹھویں نگران وزیر اعظم کے طور پر حلف اٹھایا ہے آج کل کافی متحرک نظر آ رہے ہیں۔
انہوں نے بدھ 23 اگست کو معروف کاروباری شخصیات سے خطاب کے دوران کہا کہ کسی سے کچھ پوچھو تو جواب ملتا ہے کہ لوگ ملک چھوڑ کر جا رہے ہیں تو کیا ہو گیا لوگ ملک چھوڑ کر جا رہے ہیں۔
ان کا یہ بیان سماجی رابطوں کی سائیٹ ’ایکس‘ پر خوب وائرل ہو رہا ہے اور لوگ ان کے بیان کو شدید تنقید کا نشانہ بنا رہے ہیں۔
یوسف رضا گیلانی بھی یہی کہتا تھا۔۔۔ کیا ہوا اگر لوگ ملک چھوڑ کر جارہے ہیں۔ pic.twitter.com/YamG2AIfWD
— Ihtisham Ul Haq (@iihtishamm) August 24, 2023
ایک صارف نے لکھا کہ جب دانشور اور تعلیم یافتہ لوگ ملک چھوڑتے ہیں تو وہ اپنی مہارت، علم اور تخلیقی صلاحیتیں بھی ساتھ لے کر جاتے ہیں، اور یہ مختلف شعبوں میں ملک کی ترقی کو متاثر کرتا ہے۔ لیکن یہ بات ان لوگوں کو کون سمجھائے۔
When intellectual & educated individuals leaving a country, they take their skills, knowledge, creativity with them which lead to a significant loss of human capital & expertise. Also it can impact the country progress & development in various fields. Lekn inko kon smajaye https://t.co/lA7quBWonZ
— Abdullah (@AB_Rph) August 24, 2023
علی احمد نامی صارف نے نگران وزیراعظم کو تنقید کا نشانہ بناتے ہوئے کہا کہ انوار الحق کاکڑ صاحب کو واقعی فرق نہیں پڑتا اگر لوگ یہ ملک چھوڑکر بیرون ملک منتقل ہو جائیں تو کیونکہ وہ تو چاہتے ہی یہ ہیں ’سنجیاں ہو جان گلیاں وچ مر زا یار پھرے‘
کاکڑ صاحب کو واقعی فرق نہی پڑتا۔ یہ تو چاہتے ہیں
“گلیاں ہون سُنجیاں تہ وچ مرزا یار چھرے” https://t.co/W6Z4PfoELY— Dr. Ali Ahmad Bodla (@AliAhmadBodla) August 24, 2023
عبداللہ نامی صارف لکھتے ہیں کہ وزیراعظم انوار الحق کاکڑ بالکل ٹھیک کہتے ہیں ان کو بیرون ملک جانے والے لوگوں کی پرواہ ہو تو کچھ اور کہیں۔
صحیح کہتے ہیں ۔
ان کو پرواہ ہو تو کچھ اور کہیں https://t.co/foeMZJWafi— Abdullah bin Abdullah (@Ranasha75443433) August 24, 2023
ایک صارف نے سابق وزیراعظم نواز شریف، شہباز شریف اور مریم نواز کو آڑے ہاتھوں لیا اور تنقید کا نشانہ بناتے ہوئے کہا کہ کوئی نگران وزیراعظم کو بتائے کہ وہ سابق حکمرانوں اور مسلم لیگ ن کے رہنماوں کی طرح ملک چھوڑ کر نہیں جا رہے بلکہ بھوک اور ظلم سے مرنے کے ڈر سے جا رہے ہیں، تو کیا ہوا اگر یہ لوگ ملک چھوڑ کر جا رہے ہیں۔
اسکو بتاو وہ شہباز نواز اور مریم کی طرح ملک چھوڑ کے نہیں جا رہے۔۔بھوک سے مرنے اور ظلم سے مرنے کے ڈر سے جا رہے ہیں۔۔
تو کیا ہوا جو ملک چھوڑ کے جا رہے ہیں۔۔۔ https://t.co/SdI4CaQsma— Huda Zamir (@HudaZamir) August 24, 2023
سلمان بھٹی نے کہا کہ وزیراعظم انوار الحق کہتے ہیں کہ کیا ہوا جو لوگ ملک چھوڑ کر جا رہے ہیں میں ان کو بتانا چاہتا ہوں کہ لوگ آپ کی ایسی حرکتوں کی وجہ سے ہی بیرون ملک جا رہے ہیں، اور جوملک چھوڑ کر جا رہے کچھ مال و دولت بھی رکھتے ہیں اسی لیے جا رہے ہیں صرف غریب لوگ ہی ادھر رہنے کا حوصلہ رکھتے ہیں اس لیے خدارا اپنے رویے میں مثبت تبدیلی لائیں۔
وزیراعظم کاکڑ صاحب کہتے ہیں کیا ہوا جو لوگ ملک چھوڑ کر جا رہے ہیں، میں انکو بتانا چاہتا ہوں، لوگ آپکی ایسی حرکتوں کی وجہ سے ہی بیرون ملک جا رہے ہیں، جوملک چھوڑ کر جا رہے وہ بھی کچھ مال و دولت رکھتے ہیں، جو غریب ہیں وہ آپکو ہی جھیلنے کا ارادہ رکھتے ہیں، خداراہ اپنے رویہ میں مثبت…
— Salman Bhatti (@MeSalmanbhatti) August 24, 2023
واضح رہے کہ عالمی درجہ بندی کے مطابق پاکستان بیروزگاری میں 16ویں نمبر پر ہے، پاکستان بیورو آف امیگریشن اینڈ اوورسیز ایمپلائمنٹ کے مطابق 2021 میں پاکستان سے بیرون ملک جانے والے نوجوانوں کی تعداد دو لاکھ 88 ہزار تھی، 2022 میں یہ تعداد تین گُنا بڑھ کر سوا آٹھ لاکھ سے تجاوز کر گئی ہے جبکہ 2023 میں اب تک دو لاکھ سے زائد پیشہ ور افراد بیرون ملک جا چکے ہیں۔
