ملک کے بیشتر علاقوں میں آئندہ 2روز تک موسم گرم اور مرطوب رہے گا تاہم کشمیر، گلگت بلتستان میں موسم جزوی ابر آلود اور خیبر پختونخوا اور بلوچستان کے بعض بالائی علاقوں میں بارش کا امکان ہے۔
محکمہ موسمیات کے مطابق آئندہ 2روز تک ملک کے بیشتر میدانی علاقوں میں موسم خشک، گرم اور مرطوب رہے گا، تاہم کشمیر اور گلگت بلستان میں مطلع جزوی ابر آلود رہے گا۔
آئندہ 2روز کے دوران خیبر پختونخوا کے علاقے دیر اور کوہستان میں چند مقامات پر تیز ہواؤں اور گرج چمک کے ساتھ بارش ہو سکتی ہے۔
محکمہ موسمیات نے بلوچستان کے علاقے پنجگور، آواران اور گردونواح میں تیز ہواؤں اور گرج چمک کے ساتھ بارش کا امکان ظاہر کیا ہے۔
