کراچی کے علاقے بلدیہ مشرف کالونی میں باپ اورسوتیلی ماں کی جانب سے آٹھ سال کی بچی پر تشدد کے کیس میں پولیس نے میڈیکل رپورٹ کی روشنی میں باپ اورسوتیلی ماں کے خلاف مقدمہ درج کر لیا ہے۔
پولیس کے مطابق تشدد سے بچی کے جسم پرزخم اور جھلسنے کے نشانات پائے گئے ہیں، پولیس نے دعویٰ کیا ہے کہ سوتیلی ماں بچی کے باپ کی مرضی سے تشدد کرتی تھی۔
پولیس کے مطابق بچی کی سوتیلی ماں کے خلاف اقدام قتل کی دفعہ کے تحت مقدمہ درج کیا گیا ہے جبکہ بچی کے والد کے خلاف سہولتکاری کی دفعہ کےتحت مقدمہ درج کیا گیا ہے، بلدیہ مشرف کالونی میں گزشتہ روز بچی پر تشدد کا واقعہ پیش آیا تھا۔
