اسلامیہ یونیورسٹی پشاور میں چوکیدار نے فائرنگ کر کے پروفیسر کو قتل کر دیا۔
میڈیا رپورٹس کے مطابق اسلامیہ یونیورسٹی پشاور میں پروفیسر اور چوکیدار کے درمیان جھگڑا ہوا، غصے میں آکر چوکیدار نے پروفیسر پر فائرنگ کردی جس کے نتیجے میں پروفیسر موقع پر ہی جاں بحق ہو گئے، چوکیدار جائے وقوعہ سے فرار ہوگیا جس کی تلاش جاری ہے۔
یونیورسٹی انتظامیہ کا کہنا ہے کہ مقتول کا نام بشیراحمد ہے جو مردان سے تعلق رکھتے ہیں۔ مقتول اسلامیہ یونیورسٹی میں انگلش ڈیپارٹمنٹ کے پروفیسر تھے۔
یونیورسٹی ترجمان کے مطابق مقتول کا چوکیدار کے ساتھ پہلے سے جھگڑا چل رہا تھا، آج دوبارہ تلخ کلامی پر چوکیدار نے مبینہ طور پر فائرنگ کر کے پروفیسر کو قتل کر دیا۔