بھارت میں آئندہ ماہ سے کھیلے جانے والے کرکٹ کے عالمی مقابلے کے لیے پاکستان کرکٹ ٹیم کے اسکواڈ کا اعلان تاخیر کا شکار ہے جس کی وجہ سے جہاں شائقین کرکٹ میں تشویش کی ایک لہر دوڑ گئی ہے وہیں سوشل میڈیا صارفین اس سارِی صورتحال میں سماجی رابطے کی ویب سائٹ ایکس پر طنز و مزاح سے بھر پور تبصرے کر رہے ہیں۔
جہاں صارفین اس بات کی پیشگوئی کر رہے ہیں کہ اسکواڈ کا اعلان کب ہوگا وہیں صارفین اپنے اپنے پسندیدہ کھلاڑیوں کی ٹیم میں واپسی کی امید بھی لیے بیٹھے ہیں۔ کسی صارف کو فاسٹ بولر محمد عامر کا ٹیم میں واپسی کا انتظار ہے تو کوئی دعا گو ہے نسیم شاہ کی رپورٹس کلیئر ہوں اور وہ ٹیم کا حصہ بن سکیں۔
کرکٹ ورلڈ کپ کے لیے ٹیم کا اب تک اعلان نہ ہوسکا تو ایک صارف نے تبصرہ کرتے ہوئے لکھا پاکستان کرکٹ ٹیم کے ورلڈ کپ سکواڈ کا اعلان بارش کے باعث مؤخر کر دیا گیا ہے۔
Breaking News
Pakistan World Cup squad announcement delayed due to Rain 🌧️#squad pic.twitter.com/3oovxVu0CP
— Zunair Rafiq (@MuZunair) September 21, 2023
گفتگو مزید آگے بڑھی تو ایک صارف نے مزاحیہ انداز میں ایک میم شئیر کیا جس میں بابر اعظم کہ رہے ہیں ابھی ہم کچھ نہیں بتا سکتے ابھی ہم ڈیپریشن میں ہیں۔
Pakistan cricket team fans asking for World Cup 2023 players squad.
Meanwhile Babar Azam 🤣..#squad #WorldCup2023 #BabarAzam pic.twitter.com/bTPuU9aEKA
— Ashutosh Srivastava 🇮🇳 (@sri_ashutosh08) September 21, 2023
صارفین کو جہاں ٹیم کے اعلان کا بے صبری سے انتظار ہے وہیں ایک صارف نے ایک میم شئیر کرتے ہوئے لکھا اتنی اپنے مستقبل کی فکر نہیں ہے جتنی مجھے پاکستان ورلڈ کپ اسکواڈ کی ہے۔
I can relate 😫#WorldCup2023 #PakistanCricket #Squad pic.twitter.com/h79UkYT83B
— CRICKET JUNOON ®️ (@Cricktjunoon) September 21, 2023
ایک اور صارف نے تبصرہ کرتے ہوئے لکھا ریلکس کریں شاہد جٹ نئے سیلکٹر ہیں اب اعلان ہوجائے گا۔
Relaxxx Guyzz New Chief Selector in the House for the announcement of Pakistan’s World Cup 2023 Squad. #squad #BabarAzam𓃵 pic.twitter.com/lZVYTLQX0x
— Rowdy_45 PTI🇵🇰 (@Hasnain_450) September 21, 2023
اسی حوالے سے سوشل میڈیا پر ایک ویڈیو وائرل ہے جس میں ایک صارف کہتا ہے کہ پی سی بی کو جلدازجلد اسکواڈ کا اعلان کرنا ہوگا، فیس بک اور واٹس ایپ گروپ میں موجود چیف سیلکٹرز نے ہمارا جینا حرام کر کے رکھا ہواہے ، ہر ایک کے پاس اپنا اپنا اسکواڈ ہے، خدارا اسکواڈ کا مسلہ جلد ازجلد حل کریں ورنہ ہم پاگل ہو جائیں گے۔
اس سے پہلے کہ لوگ پاگل ہوں پی سی بی مسئلہ حل کرے۔۔۔!!!#ICCWorldCup2023 pic.twitter.com/jL707njQVj
— Mughees Ali (@mugheesali81) September 21, 2023
واضح رہے کہ پاکستان کا ورلڈ کپ کے لیے ممکنہ اسکواڈ کپتان بابر اعظم، نائب کپتان شاداب خان، امام الحق، عبد اللہ شفیق، فخر زمان، محمد رضوان، سعود شکیل، سلمان علی آغا، افتخار احمد، محمد نواز، شاہین شاہ آفریدی، فہیم اشرف، حارث رؤف، ابرار احمد، حسن علی 15 رکنی اسکواڈ میں شامل ہونے کا امکان ہے۔جبکہ وکٹ کیپر بیٹسمین محمد حارث، وسیم جونیئر اور اسامہ میر ٹیم کے ساتھ 3 رکنی ٹریولنگ ریزرو کے طور پر رہیں گے۔
