یرنٹ کمپنی میٹا نے اعلان کیا ہے کہ انسٹاگرام اور فیس بک کے صارفین اب پیسے دے کر بلیو ٹک حاصل کرسکیں گے۔ میٹا ویریفائڈ کی لاگت ویب پر ماہانہ 11.99 ڈالر جب کہ آئی فون صارفین کیلئے 14.99 ڈالر ہوگی۔ یہ سروس اس ہفتے سے آسٹریلیا اور نیوزی لینڈ میں دستیاب ہوگی۔
بی بی سی کے مطابق میٹا کے چیف ایگزیکٹو مارک زکربرگ نے کہا ہے کہ اس اقدام سے سوشل میڈیا ایپس پر سیکیورٹی اور ویری فکیشن میں بہتری آئے گی۔
یہ اقدام ٹوئٹر کے مالک ایلون مسک کے نومبر 2022 میں پریمیم ٹوئٹر بلیو سبسکرپشن کے نفاذ کے بعد سامنے آیا ہے۔ میٹا کی سبسکرپشن سروس ابھی تک کاروباروں کے لیے دستیاب نہیں ہے، لیکن کوئی بھی فرد بلیو ٹک حاصل کرنے کے لیے ادائیگی کر سکتا ہے۔
میٹا نے اپنی ویب سائٹ پر ایک پوسٹ میں کہا کہ سبسکرپشن ادائیگی کرنے والے صارفین کو نیلے رنگ کا بیج، ان کی پوسٹس کی ریچ میں اضافہ، نقالی کرنے والوں سے تحفظ اور کسٹمر سروس تک آسان رسائی فراہم کرے گی۔
کمپنی نے بی بی سی کو بتایا کہ اس تبدیلی سے پہلے سے تصدیق شدہ اکاؤنٹس پر کوئی اثر نہیں پڑے گا، لیکن اس سے کچھ چھوٹے صارفین کے لیے ریچ میں اضافہ ہو گا کیونکہ وہ ادائیگی کے بعد تصدیق شدہ اکاؤنٹ بن جائیں گے۔
مزید :
سائنس اور ٹیکنالوجی –
