سردار عظیم اللہ خان میو ایڈووکیٹ ایڈیشنل جنرل سیکریٹری پی ٹی آئی وسطیٰ پنجاب نے کہا ہے کہ لاہور ہائیکورٹ کے حکم کے بعد تحریک انصاف ڈپٹی کمشنر لاہور آفس میں 2 متبادل جگہوں پر جسلہ کرنے کے لیے نئے نام دے دیے ہیں۔
پی ٹی آئی کے جاری بیان میں بتایا گیا ہے کہ سردار عظیم اللہ خان میو کی جانب سے جمع کروائی گئی درخواست میں 2 متبادل جگہوں کے نام موچی دروازہ گراؤنڈ اور بابا گراؤنڈ نزد سیشن کورٹ لاہور نامزد کیے ہیں۔
ایڈیشنل جنرل سیکریٹری پی ٹی آئی وسطیٰ پنجاب کا کہنا تھا کہ ان شاءاللہ پی ٹی آئی کا جلسہ ہوگا اور لاہور میں خان کے نعرے گونجیں گے۔
یاد رہے کہ گزشتہ روز پی ٹی آئی کو لاہور لبرٹی چوک پر جلسے کی اجازت نہ دینے کے خلاف درخواست کی سماعت لاہور ہائیکورٹ کے جسٹس راحیل کامران شیخ نے کی تھی۔ عدالت نے تحریک انصاف کے وکیل کو متبادل جگہ پر جلسہ کے لیے دوپہر 2 بجے تک ڈی سی لاہور کو نئی درخواست دینے کا حکم دیا تھا۔
جسٹس راحیل کامران نے ریمارکس دیے تھے کہ اگر پی ٹی آئی کو لبرٹی چوک میں جلسہ کی اجازت نہیں پھر کسی سیاست جماعت کو لبرٹی میں جلسہ کی اجازت نہیں ہوگی۔
