نصیرآباد، تحصیل چھتر میں تھانہ فلیجی کی حدود سے نا معلوم مسلح افراد نے 2 مزدوروں کو اغوا کر لیا، مسلح اغوا کاروں نے مغوی مزدوروں کو نا معلوم مقام پر منتقل کر دیا۔
پولیس کے مطابق تحصیل چھتر میں تھانہ فلیجی کی حدود سے مسلح افراد نے اچانک ایک تعمیراتی کمپنی کے کیمپ پراچانک دھاوا بول کر گن پوائنٹ پر 2 مزدوروں کو اغوا کر لیا ہے۔
مزید پڑھیں
اغوا ہونے والے مزدوروں میں سکندر کلہوڑو اور عبدالمالک کلہوڑو شامل ہیں جن کا تعلق بولان کی تحصیل بھاگناڑی سے بتایا گیا ہے۔ عینی شاہدین کے مطابق حملے کے وقت دیگر مزدوروں نے بھاگ کی اپنی جان بچائی، مسلح اغوا کارمزدوروں کو سوئی کی طرف لے کرفرار ہوگئے۔
عینی شاہدین کے مطابق مزدور ایک نجی تعمیراتی کمپنی کے ذریعے یہاں روڈ کی تعمیر کا کام کر رہے تھے۔