چین کے سابق وزیر اعظم لی کی چیانگ 68 برس کی عمر میں دل کا دورہ پڑنے سے انتقال کر گئے۔
میڈیا رپورٹس کے مطابق چین کے سابق وزیر اعظم لی کی چیانگ انتقال کر گئے ہیں، لی کی چیانگ کا انتقال دل کا دورہ پڑنے سے ہوا۔
چین کی سرکاری میڈیا کے مطابق سابق وزیر اعظم لی کی چیانگ گزشتہ کچھ عرصے سے شنگھائی میں چھٹیاں منا رہے تھے، انہیں 26 اکتوبر کو اچانک دل کا دورہ پڑا جس پر انہیں اسپتال منتقل کیا گیا، انہیں بچانے کی ہر ممکن کوشش کی گئی لیکن وہ 27 اکتوبر کو چل بسے۔
واضح رہے کہ لی کی چیانگ 2013 سے 2023 تک چین کے وزیر اعظم رہے ہیں، ان کا شمار چین کے صدر شی جن پنگ کے قریبی ساتھیوں میں ہوتا تھا۔
“Deeply saddened and shocked to learn about the sad demise of former Chinese Premier Li Keqiang. He was a great friend of Pakistan. We fondly remember his visit to Pakistan in 2013. Our thoughts and sympathies are with Late Premier Li, his family and with the Chinese nation at…
— Anwaar ul Haq Kakar (@anwaar_kakar) October 27, 2023
پاکستان کے نگراں وزیر اعظم انوار الحق کاکڑ نے چین کے سابق وزیراعظم لی کی چیانگ کے انتقال پر گہرے دکھ اور افسوس کا اظہار کیا ہے۔
نگراں وزیر اعظم انوار الحق کاکڑ نے اپنے ٹویٹ کہا کہ چین کے سابق وزیر اعظم لی کی چیانگ کے انتقال پر گہرا دکھ اور افسوس ہوا ہے، وہ پاکستان کے عظیم دوست تھے۔
وزیراعظم نے کہا کہ ہمیں 2013 ءمیں ان کا دورہ پاکستان اچھی طرح یاد ہے، دکھ کی اس گھڑی میں ہمارے جذبات اور ہمدردیاں سابق وزیراعظم لی کی چیانگ کے خاندان اورچینی قوم کے ساتھ ہیں۔
