لاہور ہائیکورٹ نے پاکستان انٹرنیشنل ایئر لائن (پی آئی اے) کی نجکاری کے خلاف دائر درخواست کی سماعت کا تحریری حکمنامہ جاری کردیا، جسٹس راحیل کامران شیخ نے 2 صفحات پر مشتمل تحریری حکمنامہ جاری کیا۔
جاری کردہ تحریری حکمنامے کے مطابق پٹیشن میں آئینی اور مفاد عامہ کے سوالات اٹھائے گئے ہیں۔
مزید پڑھیں
حکمنامے کے مطابق اٹارنی جنرل آف پاکستان کو بھی معاونت کے لیے نوٹس جاری کیا گیا ہے۔
عدالت نے وفاقی حکومت سمیت دیگر فریقین کو 30 نومبر تک جواب جمع کروانے کا حکم دیا ہے، درخواست میں پی آئی اے نجکاری کو بھی چیلنج کیا گیا ہے۔
پی آئی اے نجکاری کے خلاف درخواست نبیل جاوید کاہلو ایڈووکیٹ کی جانب سے دائر کی گئی۔
