چیف جسٹس نے سپریم کورٹ کے رجسٹرار کو اپنے متعدد انتظامی اختیارات رجسٹرار کو تفویض کر دیے۔ نوٹیفکیشن کے مطابق رجسٹرار سپریم کورٹ پبلک اکاؤنٹس کمیٹی سے متعلقہ معاملات میں مکمل بااختیار ہوں گے۔
سپریم کورٹ کے چیف جسٹس نے رجسٹرار کے اختیارات سے متعلق ایک نوٹیفکیشن جاری کیا، جس کے تحت رجسٹرار سپریم کورٹ کو پبلک اکاؤنٹس کمیٹی سے متعلقہ معاملات میں مکمل بااختیار بنا دیا گیا ہے۔
مزید پڑھیں
نوٹیفکیشن کے مطابق پبلک اکاؤنٹس کمیٹی سے متعلقہ امور پر رجسٹرار کا فیصلہ فل کورٹ یا چیف جسٹس کی منظوری سے مشروط ہوگا۔ آڈٹ اور محکمانہ اکاؤنٹس کمیٹی سے متعلقہ امور بھی رجسٹرار چیف جسٹس کی منظوری سے انجام دیں گی۔
جاری کردہ نوٹیفکیشن کے مطابق سپریم کورٹ کا سالانہ بجٹ پلان کو بھی رجسٹرار چیف جسٹس کی منظوری سے حتمی شکل دیں گے۔