پاکستانی اداکارہ اشنا شاہ اور حمزہ امین رشتہ ازدواج میں منسلک ہوگئے ہیں۔ اپنی شادی کے دن، اشنا نے ڈیزائنر وردہ سلیم کا ڈیزائن کردہ سرخ لباس پہنا جبکہ حمزہ امین نے آف وائٹ شیروانی کا انتخاب کیا۔
اشنا شاہ کی دلہن بنی تصاویر سوشل میڈیاپر وائرل ہوئی تو صارفین ان کے لباس سے کافی ناخوش نظر آئے اور ان کو شدید تنقید کا نشانہ بنایا۔ صارفین کا ماننا تھا کہ سجاوٹ سے لے کر دلہن کے لباس تک ہر چیز ہندوستانی شادی کا احساس دلاتی ہے۔
صارفین کی جانب سے شدید ٹرولنگ کے بعد ، اشنا شاہ نے بھی سوشل میڈیا کا رخ کیا اور ایک پوسٹ شئیر کرتے ہوئے لکھا کہ ‘ان لوگوں کے لیے جنہیں میرے لباس سے مسئلہ ہے: آپ کو مدعو نہیں کیا گیا اور نہ ہی آپ نے میرے سرخ رنگ کے جوڑے کی ادائیگی کی۔ میرا زیور، میرا جوڑا: خالصتاً پاکستانی ہے۔ تاہم میرا دل آدھا آسٹرین ہے۔‘‘
اس کے علاوہ اداکارہ اشنا شاہ نے بغیر کسی اجازت کے شادی میں داخل ہونے والے فوٹوگرافرز کو بھی تنقید کا نشانہ بناتے ہوئے لکھا کہ ‘بیگانی شادی میں جو بن بلائے فوٹوگرافر گھس گئے، انکو سلام’۔
