سابق وزیر اعظم عمران خان کے مشیر ذلفی بخاری نے کہا ہے کہ ان کے خلاف مقدمات قائم کرنے والے عمران خان کے قریبی لوگ تھے، فرح گوگی نے کرپشن کی تو انہیں سخت سزا ملنی چاہیے۔ عثمان بزدار عمران خان کی غلط چوائس تھی جس کا چیئرمین پی ٹی آئی کو احساس ہو گیا تھا۔ انہوں نے مزید کہا کہ وہ کوئی ملیٹنٹ (عسکریت پسند) تو نہیں ہیں کہ 3 دن کا تشدد برداشت کر سکیں۔
لندن میں میڈیا سے گفتگو کرتے ہوئے سابق وزیر اعظم عمران خان کے ساتھی ذلفی بخاری نے کہا کہ سابق وزیراعلیٰ پنجاب عثمان بزدار کی غلط چوائس کے بارے میں عمران خان کو احساس ہو گیا تھا لیکن عثمان بزدار کو ہٹانا مناسب نہیں تھا۔
Former prime minister Imran Khan’s advisor @sayedzbukhari speaks at the university of London on ‘Democracy in Pakistan’ to a packed audience of mainly Pakistani students from London unis. Impressive turn out for any politician in recent times, spoke frankly of several critical… pic.twitter.com/ThySpezCHK
— Murtaza Ali Shah (@MurtazaViews) November 15, 2023
ذلفی بخاری نے عمران خان کی اہلیہ بشریٰ بی بی کی دوست فرح گوگی سے متعلق گفتگو میں کہا کہ اگر فرح گوگی نے کرپشن کی ہے تو انہیں سخت سزا ملنی چاہیے۔
مزید پڑھیں
صحافی نے ذلفی بخاری سے سوال کیا کہ اگر آپ پاکستان میں ہوتے تو پریس کانفرنس کرتے جس پر ذلفی بخاری نے جواب میں کہا ’نہیں کرتا یار، میں ہمیشہ کہتا ہوں کہ کسی کو ہیرو بننے کی کوئی ضرورت نہیں ہے، میں کوئی ٹرین ملیٹنٹ (عسکریت پسند) نہیں ہوں یا ملٹری کے ساتھ ٹریننگ نہیں کی کہ 3 دن کا ٹارچر برداشت کر سکوں۔‘
انہوں نے کہا کہ ’جو بھی اغوا ہوا، میں نے ٹوئٹر پر ہمیشہ کہا کہ جلد سے جلد پریس کانفرنس کرو اور اپنی فیملی کے پاس واپس پہنچو، کیوں کہ آپ ملیٹنٹ تو ہیں نہیں کہ آپ یہ برداشت کر سکیں۔‘
