وفاقی حکومت نے پیٹرولیم مصنوعات کی قیمتوں میں کمی کا اعلان کر دیا ہے۔
حکومت نے پیٹرول کی قیمت میں 2 روپے 4 پیسے کی کمی کی ہے جبکہ ہائی اسپیڈ ڈیزل 6 روپے 47 پیسے سستا کیا ہے۔
مزید پڑھیں
قیمتوں میں کمی کے بعد پیٹرول کی نئی قیمت 281 روپے 34 پیسے ہو گئی ہے جبکہ ڈیزل 296 روپے 71 پیسے میں دستیاب ہو گا۔
اس کے علاوہ مٹی کے تیل کی قیمت میں 6 روپے 5 پیسے کی کمی کی گئی ہے جس کے بعد ایک لیٹر مٹی کے تیل کی قیمت 204 روپے 98 پیسے ہو گئی ہے جبکہ لائٹ ڈیزل آئل 9 روپے ایک پیسے سستا ہو کر 180 روپے 45 پیسے فی لیٹر ہو گیا ہے۔
وفاقی وزارت خزانہ نے پیٹرولیم مصنوعات کی قیمتوں میں کمی کا نوٹیفکیشن جاری کر دیا ہے۔ جس کے بعد نئی قیمتوں کا اطلاق رات 12 بجے سے ہو گیا ہے۔
